Vaksına alǵandar páter men kólik utysyna qatysa alady

Osy rette elordada «Vaksına al – mashına utyp al» aksııasy bastal­dy. 23 maýsym men 31 tamyz aralyǵyn­da «Mega Silk Way» SOO-da Sovid-19 vaksınasynyń birinshi komponentin alatyn qazaqstandyqtar «Astana Motors» kompanııasynan Hyundai Accent avtokóligin utyp ala alady. Aksııanyń bas seriktesi – «Astana Motors» QMK. Fınaldyq utys oıy­nyn 5 qyrkúıekte «Mega Silk Way» SOO Instagram arqyly tikeleı efırde ótkizedi. Sonymen qatar apta saıyn turmystyq tehnıka, túrli ser­tıfıkattar jáne taǵy basqa da syılyqtar oınatylady.
Aksııanyń maqsaty Qazaqstanda vaksınalaý qarqynyn arttyrý ekeni túsinikti. Mundaı aksııalar túrli el­derde sátti ótip jatyr. Jaqynda Polsha, Taıland, AQSh, Reseı, Moń­ǵolııa, Serbııa, Indonezııa, Qy­taı, Vengrııa, Izraıl elderiniń úki­metteri vaksınalanǵandar arasynda avtokólik utys oıynyn ótki­zýdi qolǵa alǵan edi.
«Vaksına al – mashına utyp al» aksııasy týraly tolyq aqparatty mega.kz saıtynan jáne MEGA-nyń áleýmettik jelilerdegi resmı ak­kaýnttarynan alýǵa bolady.
Sonymen qatar Nur-Sultan qala­synyń ákimi Altaı Kólginov Instagram paraqshasynda vaksına saldyrǵandar arasynda páter utysy oınatylatynyn málimdedi.
«Koronavırýstyń taralýyn bol­­dyrmaý jáne vaksınalaý júr­gizý boıynsha shtab otyrysyn ót­kizdim. Orynbasarlaryma, bas­qarma basshylaryna jáne aýdan ákim­derine jetekshilik etetin salalarda vaksınalaýdyń mańyzdylyǵy men qajettiligin joǵary deńgeıde túsindirý úshin jekelegen jaýap-­
­kershilik júkteldi. Ujymdyq ımmý­nıtetti qalyptastyrý úshin qala halqynyń 60%-dan astamy vaksınalanýy qajet. Sanıtarlyq dáriger­ler qosymsha karantın shekteýle­ri tý­raly jańa qaýly daıyndaýda: qaýip-qater toby úshin vaksına alý mindetti, vaksınalanbaǵan qyz­metkerlerdi qashyqtan jumys isteý rejimine kóshirý sııaqty talap qoıy­lady. Qala turǵyndaryn yntalandyrý úshin baǵaly syılyqtardyń utys oıynyn engizip jatyrmyz. Al jańadan vaksınalanǵandar arasynda ınvestorlar esebinen eki bólmeli páter oınatpaqpyz. Utys oıynyna qala emhanalarynda nemese saýda-oıyn-saýyq ortalyqtarynda ekpe alǵan qala turǵyndarynyń bári qa­tysa alady. Al páter utysynyń ­oıynyna osy jyldyń 25 maýsymy men 31 tamyzy aralyǵynda vak­sınanyń birinshi komponentin alatyn 18 jastan asqan qala turǵyn­dary qatysa alady. Qyrkúıek aıy­nyń basynda nátıjesin jarııalaımyz. Konkýrstyń ádil ótýi jáne vak­sı­nalanǵandardy tolyǵymen qam­tý úshin IT-qoǵamdastyqty jumyl­dy­ramyz», dep jazdy elorda ákimi.