Atyraýda Koreıa eliniń azamaty óziniń turǵylyqty mekenjaıynda tanysymen ishimdik ishken. Aralarynda kıkiljiń týyndap, ekeýi ózara sózge kelip qalǵan. Álgi tanysy 45 jastaǵy er adamnyń anasyn balaǵattap, oǵan til tıgizedi. Sol kezde ashýlanǵan aıyptalýshy úıine júgirip kirip, pyshaq alyp qaıta shyqqan. Qolyndaǵy pyshaqty tanysyna suǵyp dene jaraqatyn salǵan. Jábirlenýshi aman qaldy. Kúdikti er adam óz kinásin tolyǵymen moıyndady.
Aıyptalýshy sot úkimimen QR QK-niń 106-babynyń 1-bóligimen kináli dep tanylyp, oǵan tórt jyl bas bostandyǵyn shekteý túrindegi jaza taǵaıyndaldy. Odan jábirlenýshilerge ótemaqy qoryna jıyrma aılyq eseptik kórsetkish mólsherinde májbúrli tólem óndirildi.
