Úkimet basshylary saýda-ekonomıkalyq, aýyl sharýashylyǵy, energetıka, kólik-logıstıka, qurylys salalaryndaǵy yntymaqtastyqtyń, ónerkásiptik kooperasııa men bilim berýdiń, sondaı-aq óńirlik ózara is-qımyldyń ózekti máselelerin talqylady.
Qostanaı qalasynda A. Mamın men R. Golovchenko aýyl sharýashylyǵy mashınasyn jasaý ónimderiniń birlesken óndirisin damytý jobalarymen tanysty. «AgromashHoldıng KZ» AQ bazasynda óndiris kólemin jylyna 1 myń birlikke deıin ulǵaıta otyryp, «Gomselmash» zaýytynyń tehnologııasy boıynsha «Esil» kombaındaryn qurastyrý jumystary júrgizilýde. Bul rette qysqa merzimdi kezeńde ónimdi jergiliktendirý deńgeıi 60%-ǵa deıin jetkiziledi.
Eki eldiń úkimet basshylary «MTZ Qazaqstan» kásipornynyń damý josparlarymen tanysty. Zaýytta jańa korpýstardyń qurylysy júrip jatyr, bul óndiris kólemin jylyna 4 myń traktorǵa deıin arttyrýǵa múmkindik beredi. Qostanaı qalasyndaǵy «AgromashHoldıng KZ» AQ lokalızasııalaý ortalyǵynyń bazasynda «KÝVO» Belarýs kompanııasymen birlesip, 2022 jyldyń sońynda jylyna 30 myń jıyntyq kóleminde aýyl sharýashylyǵy jáne avtomobıl tehnıkasyna arnalǵan kóp qabatty shyny paketter óndirisin ashý jáne ony keminde 70% deńgeıde jergiliktendirý kózdelgen.
Qostanaı qalasynda «Belkarplastık» JShQ-men birlesip, mashına jasaý salasy úshin kompozısııalyq materıaldardan jasalǵan buıymdar óndirisi ashylady. AО́K salasynda taraptar Belarýs tehnologııalaryn tarta otyryp, Qazaqstanda sút-taýar fermalaryn salý boıynsha yntymaqtastyqty damytýdy kózdep otyr. Eki eldiń isker toptary ókilderiniń ótken kezdesýleri barysynda tıisti ýaǵdalastyqtarǵa qol jetkizildi.
Qurylys ındýstrııasynda birlesken jobalardy iske asyrý boıynsha ýaǵdalastyqtarǵa qol jetkizildi. Máselen, «BelVýdDoors» kompanııasy men «Samuryq-Qazyna Konstrakshn» JShS Nur-Sultan qalasynyń ındýstrııalyq aımaǵynda qýattylyǵy jylyna 250 myń esik óndirisin ashýǵa nıetti. Joba quny – 5,5 mlrd teńge. Budan ári osyndaı jobany Almaty qalasynda iske asyrý josparlanǵan. Sondaı-aq Qazaqstanda qýattylyǵy 2 mln m² bolatyn keramıkalyq plıtalardyń birlesken óndirisi ashylady.
Kelissózder qorytyndysy boıynsha Belarýs Respýblıkasyna munaı jáne munaı ónimderin jetkizý salasyndaǵy saýda-ekonomıkalyq yntymaqtastyq týraly úkimetaralyq kelisimge qol qoıyldy.
Eki eldiń Premer-Mınıstrleri Qostanaı qalasyndaǵy «SaryarqaAvtoО́nerkásip» JShS óndiristik alańynda, sondaı-aq temir kenin, dolomıtti, áktasty, qurylys shaǵyltasyn qaıta óńdeıtin QR iri kásiporny – Rýdnyı qalasyndaǵy «Sokolov-Sarybaı taý-ken baıytý óndiristik birlestigi» AQ-da boldy. Nur-Sultan qalasynda eki eldiń úkimet basshylary ModeX modýldik úı qurylysy zaýytynda, «Lokomotıv qurastyrý zaýyty» AQ-da, «Astana» halyqaralyq qarjy ortalyǵynda jáne basqa da nysandarda boldy.
