Bul málimetti Facebook-te jazǵan Soltústik Qazaqstan oblysynyń ákimi Qumar Aqsaqalov Elbasy bastamasymen qolǵa alynǵan «Serpin» baǵdarlamasyn sátti joba retinde atap ótti.
Ákimniń aıtýynsha, 7 jylda óńirge ońtústik oblystardan 2 myńnan asa qyz-jigit keldi. Olar jataqhanamen qamtamasyz etildi, tegin ári sapaly bilim alýda. Búginde myńǵa jýyq jas dıplom aldy. Serpindikterdi eńbekpen qamtý úshin kómek kórsetiledi. Ýnıversıtet túlekteriniń 92%-y oblysta qalyp, jumysqa turdy. Mysaly, osy jyldyń túlekteri óńirde jańa ashylyp jatqan kásiporyndarǵa jumysqa ornalasýda. Jańa elektrtehnıkalyq zaýytyna 31 serpindik jumysqa alyndy. Tórt túlek CLAAS aýyl sharýashylyǵy tehnıkasy zaýytyna qabyldandy. Túlekter aýyl sharýashylyǵy, qurylys, energetıka, bilim berý, temir jol salalarynyń damýyna óz úlesterin qosýda.
Serpindikterdiń oblysta qalyp, elge qyzmet etýine bar jaǵdaı jasalýda. «Serpin» túlekteri soltústikte shańyraq kóterip, otbasy quryp jatyr. Jas otbasylarda 10 kishkentaı azamat dúnıege keldi.
«Egemen-aqparat»
