Joba jaqsy nátıje kórsetip, óziniń qajettiligin dáleldedi. Sondyqtan, bıyl ÚEU akademııasy jańartylǵan jáne tereń bilim formatyn usyndy. Nátıjesinde, sáýir aıynda tanystyrylǵan arnaıy ǵylymı zertteý negizinde eń qajetti pánderge nazar aýdaratyn biregeı bilim berý baǵdarlamasy quryldy. 15 maýsym kúni ÚEU-ǵa arnalǵan bilim berý baǵdarlamasy bastaldy. Onda 8 modýl qarastyrylǵan, onyń árqaısysynda 5 trenıng bar.
Oqytý taqyryptarynyń aýqymy óte keń, oǵan marketıng jáne PR, fandraızıng, jobalardy basqarý, aqparattyq tehnologııalar, áleýmettik jobalaý jáne taǵy basqalar kiredi. Oqýdyń qanshalyqty tıimdi bolǵanyn túsiný úshin oqý basynda jáne sońynda ólshemder júrgiziledi.
«Qoǵamshyldar, ásirese, áleýmettik salada jumys isteýshiler óz bilimin únemi jańartyp otyrýy kerek. О́kinishke qaraı, Qazaqstanda qazir ÚEU bilim berý problemasyna alańdaıtyn uıymdar joq. Sondyqtan, biz bul fýnksııany ózimizge júktedik. Sonymen qatar, biz qyzmet salasyn muqııat zerttep, saýaldama júrgizdik. Onyń qorytyndysy boıynsha qatysýshylardyń basym kópshiligi, ıaǵnı, 84%-y tegin oqýǵa nıet bildirdi. Sonymen qatar, biz oqý baǵdarlamasyna tek paıdaly bolatyn pánderdi engizdik», deıdi Azamattyq bastamalardy qoldaý ortalyǵy basqarmasynyń tóraǵasy Lıma Dıas.
Tyńdaýshylar onlaın rejimde tájirıbeli spıkerlermen jumys istep, jańa jáne paıdaly bilim men daǵdylardy alyp, sonymen birge, bıznes-modeldi ázirleýge deıin óz ıdeıalaryn pysyqtaıdy. Jobaǵa qazaqstandyq jáne halyqaralyq bıznes-jattyqtyrýshylar, kásibı koýchter, biregeı jeke baǵdarlamalardyń avtorlary tartylǵan.
«О́zimizge jetispegen baǵyttar boıynsha bilim alyp jatyrmyz. Bilimdi tegin alý óte mańyzdy. Jattyqtyrýshylardyń bizge bergen aqparattary qıyndyqsyz ıgererlikteı túsinikti. Alǵan bilimdi óz uıymyma qoldanyp júrmin jáne bizdiń jumysymyzdyń tıimdiligin arttyrý úshin neni jaqsartýǵa bolatynyn taldap kórdim», deıdi «Bereke» qoǵamdyq qory tarapynan qatysýshy Galına Sheenko.
Jyl sońyna deıin akademııa-
da ÚEU-nyń 800 ókili bilim almaq. Eske sala keteıik, bilim berý baǵdarlamasynan basqa, maýsym aıynyń basynda úkimettik emes uıymdar ókilderine arnalǵan áleýmettik kásipkerlik onlaın-mektebi de iske qosyldy, ol qazaq jáne orys tilderinde úsh kezeńde ótedi. Birinshi kezeń qalyptasyp, onyń tyńdaýshylary oqýdan ótýde, al ekinshi jáne úshinshi kezeń óz jumysyn shilde jáne tamyz aılarynda bastaıdy, oǵan qabyldaý áli de júrgizilýde.
Oqýdyń ekinshi legi 28 maýsymda (qazaq tilinde), úshinshisi 19 shildede (orys tilinde) bastalady, sondyqtan, qazaqstandyq ÚEU ókilderiniń oqýǵa tirkelý múmkindigi bar. Jalpy, jobanyń barlyq kezeńinde 160 ÚEU ókilin oqytý josparlanýda.
«Egemen-aqparat»
