«Osy jyly doktorantýrada úlken ózgerister boldy. Doktorantýraǵa túsý erejesine ózgerister engizildi. Onyń ishinde túsý emtıhany jańa formatta ótedi. Doktorantýraǵa qujattar joǵary oqý oryndarynyń qabyldaý komıssııalary arqyly Ulttyq testileý ortalyǵynyń saıtynda qabyldanady. Endi túsýshiler túsý emtıhandaryn óńirlik testileý ortalyqtarynda kompıýterlik formatta tapsyrady. Kelesi kúni emtıhannyń qorytyndysy shyqqannan keıin nátıjesimen kelispegen jaǵdaıda túsýshi appelıasııaǵa ótinish bere alady», dedi ol mınıstrliktiń apparat jınalysynda.
Departament basshysynyń atýynsha, doktorantýraǵa túsken bilim berý grantynyń ıegerleriniń tizimi joǵary oqý oryndarynyń saıttarynda jarııa etiledi.
«Doktorantýraǵa túsýshi tirkelý barysynda jeke málimetterin toltyryp, túsý josparlanǵan bir bilim berý baǵdarlamasyn jáne 1 joǵary oqý ornyn tańdaıdy. Emtıhandy ótkizý ýaqyty men orny túsý emtıhany bastalǵanǵa deıin Ulttyq testileý ortalyǵynyń saıtynda jarııalanady. Doktorantýraǵa túsý emtıhany esse jazýdan - 20 ball, oqýǵa daıyndyǵyn anyqtaýǵa arnalǵan testten – 30 ball jáne beıindi bilim berý baǵdarlamasy boıynsha suraqtarǵa jaýap berý 50 balldan turady. Qorytyndy baǵa atalǵan bólimder ballynyń qorytyndysymen baǵalandy», dedi Ádilet Toıbaev.
