«Qazgıdromet» RMK derekteri boıynsha, Nur-Sultan qalasynda 1-2 shildede kúndiz 35-37 gradýs aptap ystyq bolady.
Almaty qalasynda 30 maýsym kúni kúndiz 33-35 gradýs qatty ystyq kútiledi.
Shymkent qalasynda 30 maýsym-2 shilde aralyǵynda 40 gradýsqa deıin kóteriledi.
Túrkistan qalasynda 30 maýsym-2 shilde aralyǵynda 40-42 gradýsqa kóteriledi.
30 maýsymda Batys Qazaqstan oblysynyń keı jerlerinde naızaǵaı, burshaq jaýýy yqtımal. Kúndiz 35-39 gradýsqa deıin óte qatty ystyq kútiledi. Jel ońtústikten, ońtústik-batystan soǵady, keı jerlerde jeldiń ekpini sekýndyna 15-20 metrge jetedi. Keı jerlerde óte joǵary órt qaýpi saqtalady. Oral qalasynda kúndiz 30 maýsymda naızaǵaı, burshaq, 36 gradýs qatty ystyq kútiledi. Jel ońtústikten, ońtústik-batystan soǵady, jeldiń ekpini sekýndyna18 metr bolýy yqtımal.
30 maýsymda kúndiz Aqtóbe oblysynyń keı jerlerinde naızaǵaı oınaıdy, ontústik-shyǵystan, shyǵystan jel soǵady, naızaǵaı kezinde jeldiń ekpini sekýndyna 18 metr bolýy yqtımal. О́te joǵary órt qaýpi saqtalady.
30 maýsymda Atyraý oblysynyń keı jerlerinde naızaǵaı, shańdy daýyl kútiledi. Soltústik-batystan jel soǵady, kúndiz naızaǵaı kezinde jeldiń ekpini sekýndyna 15-20 metrge jetýi yqtımal.
30 maýsymda kúndiz Qaraǵandy oblysynyń keı jerlerinde 35-38 gradýs ystyq bolady. Keı jerlerde óte joǵary órt kaýpi saqtalady. Qaraǵandy qalasynda kúndiz 1 - 2 shildede 35-37 gradýs qatty ystyq kútiledi. Jezqazǵan qalasynda kúndiz 30 maýsymda - 2 shildede 36-38 gradýs qatty ystyq kútiledi.
Qostanaı oblysynda kúndiz 30 maýsym-1 shilde aralyǵynda keı jerlerde 40 gradýs qatty ystyq, órt qaýpi bar.
Soltústik Qazaqstan oblysy Petropavl qalasynda kúndiz 30 maýsymda 35 gradýs ystyq, 1-2 shildede kúndiz 35-37 gradýsqa jetedi, óte joǵary órt qaýpi kútiledi.
Kúndiz 29-30 maýsymda, 1 shildede Almaty oblysynda keı jerlerinde 35-38 gradýs qatty ystyq kútiledi, órt qaýpi saqtalady.
30 maýsymda kúndiz Qyzylorda oblysynda 40-44 gradýs qatty ystyq jáne óte joǵary órt qaýpi bar. Qyzylorda qalasynda 30 maýsymda kúndiz 41-43 gradýs qatty ystyq saqtalady.
Jambyl oblysynda kúndiz 30 maýsym taýly jáne taý bókterindegi aýdandarda naızaǵaı, burshaq, soltústik-shyǵystan jel soǵady, keı jerlerde jeldiń ekpini sekýndyna 15-20 metrge jetýi yqtımal. 30 maýsym kúni kúndiz oblystyń basym bóliginde 38 gradýsqa deıin qatty ystyq, órt qaýpi kútiledi. Taraz qalasynda 30 maýsym kúni kúndiz soltústik-shyǵystan jel soǵady, jeldiń ekpini sekýndyna15-20 metrge jetýi múmkin.
Kókshetaý qalasynda 1-2 shildede kúndiz 35-37 gradýs ystyq kútiledi.
Tótenshe jaǵdaılar mınıstrligi ystyqtan saqtaný úshin azamattardy asa qajettilik bolmaǵan jaǵdaıda dalaǵa shyqpaýǵa keńes beredi, sondaı-aq:
- aǵzany sýsyzdanýdan qorǵaý úshin kóp sý, kúnine keminde 1,5-3 lıtr suıyqtyq ishý kerek;
- aptap ystyqta kez kelgen fızıkalyq belsendilikten bas tartý qajet;
- kúndiz kún sáýlesi bólmege kirmeýi úshin terezelerdi ashyq reńkti perdelermen jabý kerek;
- kún ótpes úshin bas kıim, ashyq aýa ótkizbeıtin kıim (maqtadan jasalǵan) kıińiz. Ystyq aýa raıynda balalar erekshe nazarda bolýy tıis.
