Arqa tósinde mundaı deńgeıde buryn-sońdy ótip kórmegen bul dúbirli dodaǵa elimizdiń birqatar óńirinen 150-den astam dámeli júırik qatysyp, baǵy men babyn qatar synady.
Tulparlar arasyndaǵy ashyq týrnırdiń qorytyndysynda alaman báıge boıynsha Almaty oblysynan at qosqan Sekenaı Bóbekbaıdyń «Mamaıqara» atty arǵymaǵy aldyna qara salmady.
Top báıgede Qaraǵandy oblysynyń atynan túsken Nurlybek Muhamedııarovtyń «Botagóz» dep atalatyn tulpary dara keldi.
Qunan báıgede Jambyl oblysynyń namysyn qorǵaǵan Murat О́serbaevtyń «Quralaı» degenjúırigi top jardy.
Al taı jarysta Qaraǵandy oblysyndaǵy Nura aýdany atynan qatysqan Nurlan Namysovtyń «Nuraqasqasy» báıgeniń aldyn bermedi.
Aıta ketý kerek, Arqa tósindegi at sportynyń damýyna serpin bereri sózsiz bul báıgeni uıymdastyrýǵa Qaraǵandy oblystyq sotynyń tóraǵasy Nurserik Sháripov basshylyq etetin jergilikti Ulttyq sport túrleri qaýymdastyǵy uıytqy boldy. Sonymen birge, at jarysynyń joǵary deńgeıine ótýine Qaraǵandy oblysynyń basshylyǵy men Jaýyngerlik óner qaýymdastyǵynyń oblystyq fılıaly jáne «Arqa» báıge federasııasy da óz úlesterin qosty.
Báıgeni uıymdastyrýshylar jeńimpazdar men júldegerlerge arnap qomaqty júlde qoryn taǵaıyndady. Atap aıtqanda, máre syzyǵyn birinshi bolyp qıǵan júırikterdiń ıeleri avtokólikpen, motosıklmen, iri kólemdegi aqshalaı syılyqtarmen, sondaı-aq dıplom, medal jáne kýboktarmen marapattaldy.
Sonymen qatar, Jaýyngerlik óner qaýymdastyǵynyń Qaraǵandy oblystyq fılıalynyń Qurmetti prezıdenti Kendebaı Adambekov atalǵan uıym atynan taǵaıyndalǵan úsh nomınasııanyń arnaıy júldelerin aty báıgeli bolǵan qatysýshylarǵa tabys etti.
Qaraǵandy oblysy
