Syrdaǵy aıtyskerler saıysy

Aıtysqa respýblıkalyq «Jul­dyz» jýrnalynyń bas redaktory, Qazaq­stannyń eńbek sińirgen qaıratkeri Ǵalym Jaı­lybaı, Sh.Murtaza atyn­daǵy rý­hanııat jáne tarıhtaný orta­lyǵy dırek­torynyń orynbasary, Mádenıet salasynyń úzdigi Ahmetjan О́zbekov, aıtysker aqyn, Q.Myrzalıev atyndaǵy Ba­­tys Qazaqstan oblystyq óner orta­lyǵynyń dırektory Ba­ýyr­­jan Halıolla, aıtysker aqyn, Má­denıet sala­synyń úz­digi Serik Ydy­rysov, aqyn, re­jıs­­ser, Mádenıet qaıratkeri Oń­talap Nurmahanov qa­zylyq etti.

Erkindik taqyrybyn ar­qaý etken sóz saıysyna túr­kis­tandyq Bekarys Shoı­bekov, Arqalyqtan kelgen Aıbek Qa­lıev, Nur-Sultan qalasynyń atynan Ásem Erejeqyzy, Pav­lodar oblysynan Aspanbek Shu­ǵataev, Batys Qazaqstannan Baýyrjan Shırmedınuly, shy­ǵysqazaqstandyq Serik Qýan­ǵan men Semeı qalasynan Aısholpan Tileýtaı qatysty. Sóz barymtasyndaǵy aqyndar qatarynda Aıdos Rahmetov, Muhtar Nııazov, Nurmat Man­surov, Nurzat Qarý jáne Jambyl Ba­qytáliuly syndy Syr júı­rikteri el aldyna shyqty.

Jyr dodasynda aqyndar er­kindikten bastap qazirgi el turmysyn jyrǵa qosty. Qo­ǵam­daǵy ótkir máselelerdi aıtyp, tyńdaýshy jurttyń aıyzyn qan­dyrdy.

Respýblıkalyq aqyndar aı­tysynyń qorytyndysynda oblys ákimi Gúlshara Ábdiqalyqova erkindiktiń eleń-alańynan bastap, búgingi kúnniń beınesin sýrettegen dodanyń mańyzdylyǵyna toqtaldy, rýhanı qundylyqtar men ultymyzdyń salt-dástúrin dáripteýde aıtystyń orny erekshe ekenin atap ótti. Ult sózin sóılegen aqyndarǵa alǵysyn bil­dirip, elge yntymaq pen bereke tiledi.

Jalpy osy aıtysta qazalylyq Nurzat Qarý jarqyraı kóringenin aıta ketkenimiz jón. Alǵashqy aınalymda «Aıtystyń aqtańgeri» atanǵan Aıbek Qalıevke qar­sy­las bolǵan talantty qyzdyń ta­ýyp aıtqan sózine qol soqqandar kóp boldy. Odan keıin de arynyn tejemesten oza shaýyp, bas báıge aldy. Birinshi oryn Muh­tar Nııazovqa buıyrdy. Ekin­shi oryndy belgili aıtysker Be­k­arys Shoıbek, úshinshi oryndy Aspanbek Shuǵataev, Ásem Ere­jeqyzy, Aıbek Qalıev syndy aqyndar ıelendi. Al Nurmat Man­sur qazylar sheshimimen Júr­sin Erman atyndaǵy arnaıy júl­dege laıyq dep tanyldy. Serik Qýanǵan, Aı­sholpan Tileýtaı, Aı­dos Rahmetov jáne Baýyrjan Shır­medınulyna yntalandyrý syılyqtary tabystaldy.

Oblys ákimi Gúlshara Ábdi­qalyqova 70 jasqa tolǵan ult óneriniń janashyry Júrsin Er­manǵa dástúrge saı shapan ja­ýy­p, aımaq turǵyndary atynan qurmet kórsetti.

QYZYLORDA