Qaýiptiń beti qaıtar emes

Kúni búginge deıin óńirdegi vak­sına alýǵa tıis halyqtyń 118 587-i birinshi komponentti alyp úlgerdi. Bul oraıdaǵy kór­setkish 29 paıyz ǵana. Den­saýlyq saqtaý salasynyń qyz­metkerleri túsindirý jumys­ta­ryn tııanaqty júrgizip, aýrýhana, emhanalarda ǵana emes, halyq kóp jınalatyn iri saýda oryndarynda da pýnkterin uıymdastyryp jatqanymen, kórsetkish kóńil kónshitpeıtin syńaıly. Osy oraıda el ishindegi qıly qaýesettiń, áleýmettik je­lilerdegi alypqashpa sózdiń ke­sirin tıgizýi ábden múmkin.

Keıbir naýqas adamdar jurtqa kesirin tıgizetinin bilgeni­men, úı karantıniniń sharttaryn buzyp, halyq kóp jınalatyn jerlerge barýyn toqtatatyn emes. Bir dertke qýaty ASHYQ jobasy mun­daı nemquraıdylyqtyń jo­lyn kesip tur. Joba óńirde sá­ýirdiń 21-inen júzege asyryla bastady. Búginge deıin 640 ótinim tústi. Onyń ishinde 510 nysan resmı túrde joba aıasynda jumys isteıtin bolyp, QR-kodyn aldy. Jobanyń tıimdiligi anyq baıqalýda. Sózimiz dáleldi bolýy úshin derek keltire ketelik. Joba júzege asyryla bastaǵannan beri juqpaly aýrýdy taratýy múmkin qoǵamdyq tártipti buzýdyń 109 faktisi anyqtalǵan. Aldyn ala eskertilgenine qaramastan 34 «qyzyl», 75 «sary» mártebeli adamdar qoǵamdyq oryndarǵa kirmekshi bolyp árekettengen. Mundaı oqıǵalar oblys orta­ly­ǵynda ǵana emes, aýdandarda da jıi kezdesedi. Máselen, Býrabaı aýdanynda 32, Kókshetaý qalasynda 29 oqıǵa oryn alǵan. Sondaı-aq Stepnogorsk qalasy men Atbasar aýdanynda da bir­neshe fakti anyqtalǵan. Bir aıta keterligi, uzaq ýaqyt «qyzyl aımaqtyń» sanatynda bolyp kelgen Nur-Sultan qalasynan keletin jolaýshylar da indet tasymaldaýshylardyń qata­ryn­da. Joǵaryda aıtylǵan aýyryp júrse de qoǵamdyq oryndarǵa barǵan adamdardyń 20-sy Nur-Sultan qalasynyń turǵyndary bolyp shyqty. Olardyń 13-i Býrabaı aýdanynda oryn alǵan, qalǵandary Kókshetaý qalasy men Atbasar aýdanyna tıesili.

Býrabaı baýraıynda qaýip-qaterdiń kóbeıýi jazǵy dema­lys­qa baılanysty bolýy da áb­den múmkin. Demek kýrortty óńirde qaýip-qaterdiń aldyn alý­ǵa baılanysty sharalar­dyń meılinshe kúsheıtile túskeni lá­zim. «Qyzyl» mártebeli syr­qat adamdardyń ekeýi – Almaty qalasynan kelgen meımandar, sondaı-aq Petropavl men Qa­raǵandy qalasynyń «qyzyl» mártebeli birneshe adamy oblys ortalyǵyna kelgen. Kelimdi-ke­timdi jolaýshylar aǵyny ty­ıylmaǵannan keıin derttiń aldyn alý qıyndaı túspek. Jalǵyz kelýshiler ǵana emes, az ǵana ýaqyt «jasyl aımaqtyń» sanatynda bolǵan Aqmola óńiriniń «qyzyl» mártebeli turǵyndary da elimizdiń ózge óńirlerine sa­par shegýde. Aıtalyq, Nur-Sultan qalasyndaǵy halyqaralyq áýe­jaı­daǵy tekseris barysynda «qy­zyl» mártebeli – 5, «sary» már­tebeli 9 adam anyqtalǵan. Tek­sere kelgende olardyń bári Aqmola oblysynyń turǵyndary bolyp shyqty.

– «Jasyl aımaqta» bolǵan kezimizde ASHYQ jobasynyń arqasynda jolǵa shyqqan «qy­zyl» mártebeli 4 adam anyqtal­dy. Búgin olardyń ekeýi ákim­shi­lik jaýapkershilikke tartylyp otyr. Kókshetaý qalasynda «qy­zyl» mártebeli adamnyń tele­fonyn paıdalaný oqıǵasy oryn aldy. Biz ile tekserdik, sóıt­­sek aýrýhanada jatqan adam­nyń telefonyn ekinshi bireý paı­dalanǵan. Sondyqtan biz ár­kimniń óz densaýlyǵyna muqııat bolý kerek ekenin eskertemiz, – deıdi oblystyń bas sanıtarlyq dárigeri Aınagúl Mýsına.

Jalpyǵa ortaq tártipti buz­ǵan 10 kásipkerlik nysany jobadan shyǵarylǵan. 22-27 maýsym aralyǵynda ASHYQ jobasy ar­qyly jumys isteıtin nysan­darda 8 karantınge baılanys­ty tár­tip buzýshy anyqtal­­ǵan. Býrabaı aýdanynda halyqqa qyz­met kórsetý ortalyǵyna ke­lý­shilerdiń arasynan «qyzyl» jáne «sary» mártebeli birne­she adam belgili bolǵan. Mun­daı oqı­ǵa Jarqaıyń aýdanyn­da ­da oryn alyp otyr. Qoǵam­dyq ­ta­maq­tandyrý oryndaryna ­kel­gen, Nur-Sultan qalasynyń eki turǵynynyń boıynda dert bar ekeni anyqtaldy. Ob­lys­tyń bas sanıtarlyq dári­geri A.Mýsınanyń aıtýyna qa­ra­ǵanda, shekteý sharalary je­ńil­detilmegenimen, «qyzyl aımaq­taǵy» Nur-Sultan qalasynyń tóńiregindegi aýdandarda vırýs juqtyrý deregi azaımaı tur.

– Biz aı saıyn 10 test nátı­jesin skrınıng jasaýǵa ji­be­remiz. Eger qazan aıynda brıtan shtamy bizdiń óńirde bi­rin­­shi anyqtalǵanyn eskersek, ún­di shtamynyń anyqtalý yq­tı­­­­maldylyǵy da joǵary ekenin aı­ta ketken jón. О́ıtkeni úndi sht­a­mynyń belgileri birneshe naý­­qasta baıqaldy, – deıdi A.Mýsına.

Derttiń órshýine sebep bolyp otyrǵan – adamdardyń ózderi. «Ja­syl aımaqqa» ótýimiz sol-aq eken, meıramhanalarda jasyrynyp toı, janaza ótkizý, jalǵa beriletin úılerde quda shaqyrý, besik toıyn uıymdastyrý tym kóbeıip ketti. Saldary búgin bel­gili bolyp jatyr. Eger zııany mol ádetten birjola tyıylmasaq, aýrýdyń aldyn alý múmkin emes.

Aqmola oblysy