Ult josparynyń oryndalý barysy qaraldy

Atqarylyp jatqan ju­mys­tar týraly Premer-Mınıstrdiń orynbasary – Syrtqy ister mınıstri Muhtar Tileýberdi, Ulttyq ekonomıka mınıstri Áset Erǵalıev, Aýyl sharýashylyǵy mınıstri Saparhan Omarov, Energetıka mınıstri Nurlan Noǵaev, Qarjy mınıstri Er­ulan Jamaýbaev, Bilim jáne ǵy­lym mınıstri Ashat Aımaǵam­be­tov, Indýstrııa jáne ınfra­qu­ry­lymdyq damý mınıstriniń birinshi orynbasary Qaıyrbek О́skenbaev, Ekologııa, geolo­gııa já­ne tabıǵı resýrstar vıse-mı­nıs­tri Ahmetjan Pi­rim­qulov baıan­dady.
Qazirgi tańda Ult jos­pa­rynyń 100 qadamynyń 72-si iske asyryldy: «Kásibı mem­le­kettik apparatty qalyp­tastyrý» baǵyty bo­ıynsha 15 qadamnyń 13-i, «Zań ústemdigin qamtamasyz etý» baǵyty boıynsha barlyq 19 qa­dam, «Indýstrııalandyrý jáne eko­no­mıkalyq ósim» bo­ıynsha 50 qa­damnyń 27-i, «Bi­regeılik jáne birlik» baǵyty boıynsha 6 qa­damnyń 3-eýi, «Esep beretin mem­le­ketti qa­lyptastyrý» baǵyty boıynsha barlyq 10 qadam oryndaldy.
Bıyl «Kásibı memlekettik ap­­paratty qalyptastyrý» jáne «Indýstrııalandyrý men ekono­mıkalyq ósim» baǵyt­tary boıynsha 9 qadamdy oryn­daý kózdelgen.
Otyrysta memlekettik qyz­met­shi­lerge eńbekaqy tóleýdiń jańa júıesine kóshý, mektep­te oqytý stan­darttaryn jańar­tý jáne fýnk­sıonaldyq saýat­tylyqty damytý, ekono­mı­kanyń energııa tıim­diligin arttyrý, jer qoı­naýyn paıdalaný salasynyń ashyq­tyǵy men boljamdylyǵyn art­tyrý, aýyl sharýashylyǵynda sý shy­­ǵynyn azaıtý, sondaı-aq salyqtyq mindettemelerdi oryndaýdy, onyń ishinde sıfr­landyrý arqyly jeńildetý máseleleri qaraldy.
Jańa ınfraqurylymdyq jobalardy iske asyrý, servısti je­tildirý jáne tranzıttik tasymal­dar jyldamdyǵyn art­tyrý ar­qyly kólik-tran­zıttik sektordyń básekege qa­bi­lettiligin arttyrý jónindegi jumystardyń barysy talqy­landy.
Premer-Mınıstr Tuń­ǵysh Prezıdent – Elbasy Nur­sul­tan Nazarbaevtyń Bes ıns­tıtýttyq reformasyn iske asyrý jónindegi «100 naq­ty qadam» Ult josparyn jáne Memleket basshysy Qasym-Jomart Toqaevtyń 2020 jylǵy 1 qyrkúıektegi Jol­daýyn tolyq ári sapaly oryn­daý boıynsha belsendi ju­mys­ty jalǵastyrýdy tapsyrdy.
Ekonomıkanyń basym sek­tor­laryndaǵy jańa iri jo­ba­larǵa stra­tegııalyq ınvestorlardy tartý, óńdeý sektory men eksporttyq áleýetti damytý, negizgi azyq-tú­lik taýar­lary boıynsha ulttyq eko­no­mı­kanyń jetkilikti bolýyn qam­tamasyz etý jónindegi tar­­maq­­tarǵa erekshe nazar aýda­ryldy.