Elordadan bastaý alǵan aksııa, elimizdiń oblys, aýdan ortalyqtarynda da ótti. Oǵan qatysýshylar kóshelerdi, aryqtardy, qoqys oryndaryn tazalaýǵa kómektesti. Bári de áleýmettik qashyqtyqty jáne medısınalyq maska taǵý rejimin qatań saqtady.
Mysaly, Aqmola oblystyq Jas Otan JQ fılıaly Kókshetaý qalasynyń ortalyq saıabaǵynda aksııa uıymdastyrsa, Almaty jastary qalanyń aǵashtarymen jasyl jelekterin kútip ustaý men qorǵaýǵa atsalysty.
Jas Otan JQ tóraǵasy Nurjan Jetpisbaev atap ótkendeı, árbir ekologııalyq aksııa tárbıelik sıpatqa ıe. Ol qorshaǵan ortaǵa degen súıispenshilikti kúsheıtip, ekologııany qorǵaýdyń ózekti máselelerine nazar aýdartady.
«Ekologııalyq aksııa óziniń tikeleı mindetinen basqa, taǵy bir mańyzdy fýnksııany oryndaıdy. Ol azamattyq ustanymy bıik tulǵalardy «Bul – meniń qalam. Men ony taza jáne jasyl etemin!» ıdeıasymen biriktiredi. Bul iske jastardyń kóptep kelýi jáne qalamyzdyń kelbetin jaqsartýǵa óz úlesterin qosqany meni qatty qýantady. О́ıtkeni «30 ıgi is» aksııasy adamdar men qoǵam úshin arnalǵan naqty is-sharalarǵa, meıirim men jaqsylyqty arqaý etken aksııalarǵa negizdelgen», dedi Nurjan Jetpisbaev.
О́z kezeginde Biz Birgemiz qozǵalysynyń volonteri Rýslan Bahtııarov árbir aksııa qalany kórkeıtýge jáne eriktiler qozǵalysyna óz úlesin qosýǵa úlken múmkindik beretinin atap ótti.
«Men mundaı aksııaǵa birinshi ret qatysyp otyrǵan joqpyn. Mamyr aıynda biz Ekinshi dúnıejúzilik soǵysy batyrlarynyń qurmetine ashylǵan saıabaqtardy, aýlalardy jáne eskertkishterdi tazarttyq. Búgin biz elordamyzdyń shalǵaı aýdandary men kóshelerin tazaladyq. Atalǵan sátti paıdalana otyryp, jastardy tabıǵatqa uqypty qaraýǵa shaqyramyn», dedi ol.
Táýelsizdiktiń 30 jyldyǵyna arnalǵan «30 ıgi is» aksııasy sheńberindegi is-sharalar ári qaraı jalǵasyp, kelesi aılarda mynadaı taqyryptarǵa arnalady: shilde – Baqytty otbasy, tamyz – Damý, qyrkúıek – Bilim, qazan – Ómir syıla, qarasha – Sana, jeltoqsan – Egemendilik.
