Syr óńiri «sary aımaqqa» qaıta oraldy

27 maýsymdaǵy málimet bo­ıynsha óńirde 28 adam indet juq­tyrǵan. Kelesi kúni 17 jaǵdaı tir­keldi. Jyl basynan beri oblysta 3 707 turǵynnyń boıynan dert belgisi baıqalǵan. Árıne, olardyń deni emdelip shyqty.
О́ńirlik kommýnıkasııalar qyzmetinde oblys ákiminiń oryn­­basary Baljan Shámenova, ob­lystyq sanıtarlyq-epı­de­mıo­logııalyq baqylaý depar­ta­men­tiniń basshysy Dınara Jańa­bergenova, oblys­tyq densaýlyq saqtaý bas­qar­masy basshysy­nyń min­detin atqarýshy Jangeldi Sha­ıym­betovtiń qatysýymen brıfıng ótip, óńirdegi vaksınalaý ju­mystarynyń barysy jaıly aıtyldy.
– Sońǵy kúnderi indet juq­tyrǵandar sany kóbeıip, oblys «sary aımaqqa» ótti. Osyǵan baı­lanysty saqtyq sharalaryn kú­sheıte túsemiz. Bul rette tur­ǵyndardyń da óz saýlyǵyna sal­ǵyrt qaramaı, belgilengen shekteý­ler talaptaryn saqtaǵany jón. Aýrýdy azaıtýǵa múmkindik be­retin ujymdyq ımmýnıtet qa­lyp­tastyrý úshin halyqtyń kem degende 60%-y vaksınalaýdan ótýi qajet. Jaǵdaıdy baryn­­­sha tez turaqtandyrýdyń jalǵyz joly – osy, – dedi oblys ákiminiń orynbasary.
О́ńirde 106 ekpe kabıneti jasaqtalǵan. Sonymen qatar adam­dar kóp jınalatyn jerlerde 37 jyljymaly pýnkt turaqty jumys istep tur.
Oblystyq densaýlyq saqtaý bas­qarmasy basshysynyń min­detin atqarýshy Jangeldi Sha­ıym­betov 1 aqpannan bastap ınfek­sııaǵa qarsy vaksınalaý úshin ­
331 920 doza jetkizilgenin atap ótti. Qazir oblystaǵy 20 medı­sınalyq mekemede egý tańerteńgi 8.00-den túngi 00.00-ge deıin úzi­lissiz júrgiziledi. Aımaqta vak-­­
sınanyń birinshi komponentin
143 949 adam alsa, ekinshi bóligin 77 109 turǵyn saldyrǵan.
Oblys boıynsha ınfeksııa­lyq stasıonarda 225 naýqas, reanı­masııalyq tósektik orynda 24 adam em qabyldap jatyr. Dári­gerler boıynan dert baıqal­ǵan­dardy belgilengen tártippen emdeýde. Aýrýhanada oryn jetpeı qalady degen qaýip joq.
Oblystyq sanıtarlyq-epı­demıologııalyq baqylaý depar­tamentiniń basshysy Dınara Jańa­bergenovanyń aıtýynsha, jyl ba­synan beri monıtorıngtik top­tar reıdtik tekseris júrgizip, karantın talaptaryn buzýdyń 335 deregin anyqtaǵan. Shekteý talaptaryn saqtamaıtyndar qatarynda halyqqa qyzmet kórsetý nysandary basym. Arnaıy top ókilderi kóp adamnyń qatysýymen úı jaǵ­daıynda uıymdastyrylǵan mere­kelik is-sharalar sany da azaımaı turǵanyn aıtady.
Aýyryp em izdegennen, aýyr­maý­dyń jolyn izdegen jeńil eke­nin áli de túsinbeı kelemiz-aý.

Qyzylorda