Jıynda oblystyq kásipkerler palatasynyń dırektory Erkin Atymtaev ótken jyly pandemııa kezeńinde jáne aǵymdaǵy jyldyń birinshi jarty jyldyǵynda óńirlik palatanyń atqarǵan jumysyn baıandady. Jalpy, óńirde barlyǵy 70 myńnan astam kásipkerlik sýbektisi, 715 ónerkásiptik kásiporyn jumys isteıdi. О́nerkásip salasynda 20 myńǵa jýyq adam eńbek etedi jáne olar 700 mıllıard teńgeniń ónimin óndirip otyr. Sondaı-aq palata basshysy ózge de atqarylǵan jumystarǵa toqtaldy.
Kezdesý barysynda Qanat Bozymbaev Memleket basshysy tapsyrǵan tapsyrmalardyń óńirde oryndalýyn zerdeleý, ony kásipkerlermen talqylaý maqsatynda kelgenin aıtty. О́ńirlik Keńes múshesi Erbolat Saýryqov Qanat Bozymbaevtan Taraz qalasynyń mańyndaǵy qoqys tastaıtyn orynnyń shaǵyn bolýyna baılanysty turmystyq qaldyqtardy óńdeıtin zaýyt salýǵa yqpal etýin surady. Sondaı-aq ol elimizde tuqym sharýashylyǵy turalap turǵanyn, osy salaǵa kóńil bóletin ýaqyt kelgenin de aıtty.
Isker áıelder Keńesiniń tóraıymy Aıgúl Aqshalova «Qaralma» taý-shańǵy kesheniniń qurylysyn aıaqtaýǵa járdemdesý, kásipkerlerdiń kommýnaldyq tólemderin jeńildetý syndy ótinish-tilegin jetkizdi. Bul oraıda, Qanat Bozymbaev barlyq máseleler boıynsha talqylaý júrgizilip, tıisti sheshimder qabyldanatyndyǵyn aıtyp ótti. Al, «Araıstroımarket» jaýapkershiligi shekteýli seriktestiginiń basshysy Arman Edilbaev jekeshelendirilgen nysandardy merziminen buryn satyp alý máselesin kóterdi. Bul rette Qanat Bozymbaev atalǵan másele boıynsha elimizdiń normatıvtik-quqyqtyq akti sheńberinde sheshý múmkindigine qaralatynyn aıtyp jaýap berdi.
О́ńirlik Keńestiń múshesi, «Sab group» jaýapkershiligi shekteýli seriktestiginiń dırektory Samat Aqylbekov janar-jaǵar maı, jem jáne qant baǵasynyń ósýi máselesine kóńil bólýdi surady. Al, Berdibek Saparbaev óńirdegi azyq qory aýyl turǵyndarynyń qajettiligin óteıtinin, qant boıynsha qant qyzylshasyn egý jyl saıyn artyp keletinin, kishigirim másele sýdyń jetispeýshiliginen týyndap otyrǵanyn, joǵaryda kórsetilgen máseleler oblys deńgeıinde sheshiletinin aıtty.
Sondaı-aq óńirlik Keńestiń múshesi, «Áýlıe-Ata Fenıks» jaýapkershiligi shekteýli seriktestiginiń dırektory Farıda Júnisova ekinshi deńgeıli bankterdiń aýyldyq eldi mekenderdiń jyljymaıtyn múlikterin qabyldamaýy nemese kredıttik saıasatyna sáıkes tómen baǵa berýi týraly máseleni kóterdi.
О́ńir basshysy Berdibek Saparbaev kásipkerler kóterip otyrǵan máselelerdiń oryndy ekenin, alaıda onyń basym kópshiligin oblys sheńberinde sheshýge bolatynyn aıtyp, bul baǵytta óńirde de sharalar qabyldanatynyn jetkizdi.
