Oblystyq polısııa departamenti baspasóz qyzmetiniń málimetinshe, 29 maýsym kúni saǵat 21:13-te Baıanaýyl aýdanynyń polısııasyna aýyldyq okrýg ákiminen jazataıym oqıǵa týraly habarlama túsken.
«Saǵat 21:00-de 2006 jyly týǵan kámeletke tolmaǵan bala Jańatilek aýylynan 5 shaqyrym jerdegi Ashysý ózeni mańynda synyptastarymen birge atqa minip serýendep júrgeni anyqtaldy. Jylqyǵa otyrǵan jasóspirim jylqysyn sýaryp almaq bolyp, sýǵa kirgen. Alaıda qulap túsip, sýǵa batyp ketken. Jylqy jaǵaǵa qashyp shyqqan. Synyptasy eresekterdi kómekke shaqyrǵan. О́kinishke qaraı, oqıǵa ornyna jetken ákesi balasyna kómek kórsete almady», dep habarlady Pavlodar oblystyq polısııa departamenti bastyǵynyń birinshi orynbasary Jasqaırat Qaıyrov.
Aıta ketý kerek, jazǵy maýsym bastalǵaly Pavlodar oblysynyń sý aıdyndarynda úsh kámeletke tolmaǵan bala sýǵa batyp ketti.
