Germanııada «Eýropa-parki ashyldy». Parkke kirý úshin tek koronavırýsqa teris nátıjesi týraly anyqtama bolýy kerek. Berlın-Brandenbýrgtiń joǵarǵy ákimshilik soty Germanııa astanasynda demalys kúnderi josparlanǵan koronavırýs shekteýlerine qarsy eki iri demonstrasııa ótkizýge tyıym salýdy rastady. Osyǵan oraı, Berlın turǵyndary qalanyń eń kóne syra baǵy Prater-de demalýǵa múmkindik alady.
Al Fransııada mýzeıler men kınoteatrlardyń ashylǵanyna birneshe kún boldy. Fransııa Prezıdenti Emmanýel Makron pandemııa kezinde mádenıet salasyn qarjylandyrý 11 mıllıard eýrodan asqanyn aıtty. Sondaı-aq ol respýblıkanyń barlyq 18 jastaǵy azamattary úshin 300 eýroǵa «Mádenı abonement» engizilgenin jetkizdi.
«Biz qıyn kezeńnen aman-esen shyǵýymyz úshin ata-analarymyzben jáne dostarymyzben kezdesýden bas tartýymyz kerek edi jáne bul ońaıǵa soqpady. Tabys kózi bolǵan kórermenderinen aıyrylǵan mádenıet qyzmetkerlerine de qıynǵa soqty. Bul kezeń ónerdi baǵalaıtyn otandastarymyz úshin de ońaı bolmady», dedi Fransııa prezıdenti.
Polshanyń mádenı mekemeleri josparlanǵan merzimnen bir apta buryn ashylady. Kınoteatrlar men konsert zaldary kórermenderimen qaıta qaýyshty. Tek áleýmettik alystatý sııaqty qatań sanıtarlyq erejeler saqtalýy kerek.
Ispanııa Premer-mınıstri Pedro Sanches dúısenbiden bastap brıtan saıahatshylaryna shekteýlerdi alyp tastaıtynyn málimdedi. Eýropalyq dári-dármekter agenttigi (EMA) nemese Dúnıejúzilik densaýlyq saqtaý uıymy (DDSU) maquldaǵan jańa koronavırýsqa qarsy dári-dármektermen egilgen sheteldik týrıster 7 maýsymnan bastap Ispanııaǵa bara alady.
