Buǵan deıin de birqatar shyrǵalańdy bastan ótkergen qalanyń medısınalyq mekemeleri pandemııanyń úsh kezeńine de daıyn deýge bolady.
«Biz indetpen kúresýge daıynbyz. Júıeniń qýaty jetkilikti. 4 600-den asa medısına qyzmetkeri kovıdtik aýrýhanaǵa jumysqa shyǵa alady, túrli jaǵdaı kezinde 200-den asa jedel medısınalyq járdem brıgadasy jumys isteıdi. Mysaly, búginde stasıonarlarda 3 700 tósek-oryndy, qolaısyz jaǵdaıda 6 myń tósek-oryndy, óte qolaısyz jaǵdaıda 10 myń tósek-oryndy ornalastyrýǵa ázirmiz», dedi N.Tabynbaev.
Budan ózge eger jaǵdaı ýshyǵatyn bolsa, onda mobıldi brıgadalar sany eki esege artady. Sondaı-aq Call-ortalyqtarynyń operatorlarynyń sanyn eki esege arttyrý josparlanyp otyr. Aýrýhanalar men emhanalar dári-dármektermen jáne medısınalyq tehnıkamen jetkilikti kólemde jabdyqtalǵan.
Aýrýhanalar men stasıonarlardyń shamadan tys júktelýine jol bermeý úshin basqarma basshysy halyqty vaksınalanýǵa shaqyrdy. N.Tabynbaevtyń aıtýynsha, búginde 428 532 adam ekpe aldy. 60 jastan joǵary ekpe alǵan adamdar 69 644 adamdy quraıdy. Vaksına naýqany jalǵasýda. Vaksınany qalanyń 208 ekpe pýnktiniń birinen alýǵa bolady.
Almaty turǵyndary karantın sharalaryn buzǵan jaǵdaıda ákimshilik jaýapkershilikke tartylatyny belgili. Bul týraly О́ńirlik kommýnıkasııalar qyzmetiniń baspasóz konferensııasy barysynda Almaty qalasy Sanıtarlyq-epıdemıologııalyq baqylaý departamentiniń basshysy Jandarbek Bekshın habarlady.
J.Bekshınniń aıtýynsha, Ashyq jobasy qosylǵaly beri kásipkerlik nysandarǵa kirgen kezde skanerleý nátıjesinde «qyzyl» mártebesi bar 670 qala turǵyny anyqtaldy. Al «sary» mártebeli 178 paıdalanýshy rastaldy. Jalpy 156 «qyzyl» mártebe men 40 «sary» mártebe fıtnes ortalyqtary men basseınderdiń kireberisterinde anyqtaldy.
Qoǵamdyq tamaqtaný nysandarynda 275 «qyzyl» mártebesi bar, 54 «sary» mártebesi bar jáne áýejaıǵa kireberiste 88 «qyzyl» mártebesi bar qala turǵyny anyqtaldy. Sondaı-aq 21 «sary» mártebesi bar, 70 «qyzyl» mártebesi bar adam kınoteatrǵa kireberiste jáne 34 «sary» mártebesi bar turǵyndar rastaldy.
J.Bekshınniń aıtýynsha, Ashyq júıesi óziniń tıimdiligin kórsetip otyr. «Sizder jobanyń arqasynda karantındik sharalardy saqtamaıtyn adamdardyń anyqtalǵanyn bilesizder. Bul júıe azamattar men qalanyń qaýipsizdigine baǵyttalǵan», dedi ol.
Mysaly, «qyzyl» mártebesi bar Almatynyń 8 turǵynyna karantın rejimin buzǵany úshin 30 AEK aıyppul salyndy. Bul – 90 myń kólemdegi teńge. Tártip buzýshylar – Almaty qalasynyń Alataý, Almaly, Bostandyq, Medeý men Túrksib aýdandarynyń turǵyndary.
Sondaı-aq Almaty qalasynyń Bas sanıtarlyq dárigeri J.Bekshın kásipkerlik nysandarynyń jumysyna qatysty №19 qaýlynyń tarmaqtaryn túsindirdi.
Spıker Almatynyń epıdemııalyq ahýalǵa qatysty «qyzyl aımaqqa» kirgenin, soǵan baılanysty áleýmettik ekonomıkalyq nysandary jumystaryna shekteý sharalarynyń qabyldanǵanyn eske sala otyryp, Ashyq jobasynyń qatysýshylary men jobaǵa kirmeıtin áleýmettik-ekonomıkalyq nysandardyń jumysyn shekteý krıterıılerin eskertti.
Onyń aıtýynsha, Ashyq jobasynyń qatysýshylary emes meıramhana, kafe men kofehanalar boıynsha qoǵamdyq tamaqtaný nysandarynda (úı-jaıda) jumys kúnderi saǵat 7.00-den 20.00-ge deıin jumys isteýge ruqsat etilgen. Sondaı-aq kelýshiler 50%-ǵa deıin, biraq 30 adam shamasynda bolýy kerek. Senbi men jeksenbi kúnderi qyzmet kórsetýge tyıym salyndy, tek alyp shyǵý men jetkizýge ruqsat etildi. Jazǵy alańdarda 50%-ǵa deıin toltyrylǵan kezde saǵat 7.00-den 22.00-ge deıin 50 adam shamasynda jumys isteýge ruqsat etildi. Fýdkorttarǵa jumys isteýge tyıym salynady, alaıda Ashyq jobasyna qatysqan jaǵdaıda saǵat 10.00-den 22.00-ge deıin jumys isteýge ruqsat etiledi.
Monshalar senbi men jeksenbiden basqa kúnderi jumys isteýge ruqsat etiledi, biraq eger bul nysan Ashyq qatysýshysy bolsa, kún saıyn jumys isteı alady. Sol sııaqty sport keshenderine, sporttyq-saýyqtyrý ortalyqtaryna, fıtnes-ortalyqtary men ıoga-ortalyqtary Ashyq jobasyna kirmeıtin bolsa, senbi men jeksenbiden basqa kúnderi jumys isteýge ruqsat etiledi. Qatysýshylar shekteýsiz jumys isteıdi. Eger olar jobaǵa qatysýshylar bolmasa, karaoke mekemeleriniń jumysyna tyıym salynady.
J.Bekshın qanatqaqty jobaǵa qatysýshylardy kelýshilerdiń QR-kodty skanerleý erejelerin qatań saqtaýǵa shaqyrdy. Tártip buzylǵan jaǵdaıda bul nysandar jobadan shyǵarylady.
