Onlaın kezdesýge Qazaqstannyń Germanııadaǵy elshisi Dáýren Karıpov, elimizdiń Sıfrlyq damý, ınnovasııalar jáne aeroǵarysh ónerkásibi vıse-mınıstri Asqar Jambakın, Indýstrııa jáne ınfraqurylymdyq damý vıse-mınıstri Dınara Sheglova, «KAZAKH INVEST» UK AQ basqarma tóraǵasynyń orynbasary Jandos Temirǵalı, Astana Hub bas dırektory Maǵjan Mádıev, sondaı-aq Siemens Advanta Lanxess AG, Gigaset AG, SAP SE, Baumüller Group, DMT GmbH & Co. KG, WILO SE sııaqty 40-qa jýyq jetekshi nemis kompanııalarynyń basshylary men ókilderi qatysty.
Kezdesý barysynda Germanııa ekonomıkasy Shyǵys komıtetiniń basqarýshy dırektory Mıhael Harms eki el bıznesmenderiniń iskerlik baılanystaryn ornatýdyń mańyzyn atap ótti. Ol sondaı-aq Qazaqstan men Germanııadaǵy sıfrly transformasııany keńeıtýge odan ári serpin berýge múmkindik beretin jańa joldardy izdeý qajettigin atap ótti.
Sonymen qatar pikirtalas barysynda Qazaqstanda júrgizilip jatqan sıfrly transformasııa jónindegi qyzmet atap ótildi. Qatysýshylar Astana Hub IT-startaptar halyqaralyq tehnoparki sheńberinde ınvestorlarǵa usynylatyn memlekettik qoldaý quraldary týraly aqparat berdi.
«Egemen-aqparat»
