«FÝTBOLDY BÁRI OINAIDY, BIRAQ ÁRQAShAN NEMISTER JEŃIMPAZ BOLADY». Bul osydan 31 jyl buryn sol kezdegi Anglııanyń dańqty fýtbolshysy Garı Lınekerdiń Germanııadan jeńilgennen keıin ashyna aıtqan sózi edi. Osynsha ýaqyt fýtbolmen qatar ómir súrgen áıgili támsil endi budan bylaı dáıeksiz bolyp qaldy. Dál osy sózdi aǵylshyndardyń ózderi aıtyp, bul sózdi ózderi joqqa shyǵardy. «Ýemblıde» ótken oıynda aǵylshyndar Sterlıng pen Keınniń soqqan golynyń arqasynda «nemis máshınesin» toqtatyp, ózderi Eýropa chempıonatynyń fınalyna senimdi qadam jasady.
2014 jylǵy álem chempıonatynda altyn, 2010 jylǵy birinshilikte qola. Eýro-2008-de kúmis, Eýro-2012 jáne Eýro-2016 týrnırlerinde qola júlde. 2017 jylǵy Konfederasııalar kýbogynda altyn. Jáne sońǵy eki iri týrnırdegi sátsizdik – 2018 jylǵy álem chempıonatynda toptan shyǵa almaý, bıylǵy Eýrony 1/8 fınalda aıaqtaý. Mine, Germanııa quramasynyń bas bapkeri Lıovtiń «Býndestımdegi» dáýiri osylaı aıaqtaldy.
Jalpy, Anglııa jáne Germanııa quramalary arasyndaǵy kezdesý qaı zamanda da tartysty ótetini belgili. Seısenbi kúngi oıyn aǵylshyndar úshin jáı ǵana jeńiske jetip, kelesi kezeńge ótý kerek bolǵan qatardaǵy 1/8 matchy
emes edi. Olar úshin bul oıynnyń mańyzdylyǵy odan da joǵary bolatyn. Sebebi nemister «Ýemblıde» 1975 jyldan beri jeńilistiń ne ekenin bilmeı kele jatqan-dy – jeti jeńis, bir teń oıyn. Aǵylshyndardyń osy oıyndaǵy bar maqsaty – «nemis máshınesin» qalaıda toqtatý-tyn.
Jankúıerler baıqaǵan bolsa kerek, qazir Saýtgeıt shabýylǵa emes, qorǵanysqa qatty kóńil bólýde. Osy Eýropa chempıonatynda Anglııa úsh ortalyq qorǵaýshymen (Ýoker, Magýaır jáne Stoýnz) oınap júr. Al aǵylshyn jankúıerleriniń mundaı oıyn tásiline kóńilderi tolmaýda. Biraq taktıka óz jemisin berýde. Qazir Saýtgeıtke jarqyn jeńistiń túkke de qajeti joq, oǵan eń keregi – Eýropa chempıonatynyń qos qulaqty kýbogy.
Kóp jankúıer oıyn aldynda Anglııa – Germanııa matchynan bir kún buryn bolǵan Horvatııa – Ispanııa (3:5), Fransııa – Shveısarııa (3:3) oıyny sııaqty goldan jańbyr jaýǵyzǵan básekeni kútken bolatyn. Biraq eki ujym da qatelik jiberýden qorqyp, oıyndy óte saqtyqpen bastady. Ekeýine de bul oıynda jeńilýge bolmaıtyn edi. Birinshi sebebi – Eýrodan shyǵyp ketesiń, ekinshisi – tarıhı oıynda qarsylasyńa jol beresiń. Shyny kerek, birinshi taımda Rahım Sterlıng pen Tımo Vernerdiń bir márte gol soǵatyndaı qaýipti shabýyl uıymdastyrǵanynan basqa túk te kórgenimiz joq. Oıyn biraz zeriktirip jiberdi.
Ekinshi taımnyń basy jankúıerlerdiń odan ári ishin pystyrdy. Oıynnyń 75-mınýtynda ǵana Lıýk Shoýdan tamasha pas alǵan Rahım Sterlıng Noıer qorǵaǵan qaqpany dál kózdep, oıynnyń sánin kirgizdi. Arada az ýaqyt ótkende Mıýller qaqpashymen birge-bir shyǵyp, gol soǵa almady. Esep – 1:1 bolýdyń ornyna 86-mınýtta tabloda 0:2 nátıjesi tirkeldi. Harrı Keın óz múmkindigin tıimdi paıdalanyp, oıynnyń núktesin qoıdy.
Sondaı-aq bul Saýtgeıt úshin revansh matchy boldy. 1996 jyly Eýropa chempıonatynyń jartylaı fınalynda Anglııa men Germanııa kezdesip, penaltı serııasynda Garet gol soǵa almaı, nemisterge jol bergen bolatyn.
ÝKRAINA – TUŃǴYSh RET ShIREK FINALDA. Shotlandııa astanasynda ótken oıynda Ýkraına fýtbolshylary qosymsha taımnyń sońǵy mınýtynda Shvesııa qaqpasyna jeńis golyn soǵyp, shırek fınalǵa joldama aldy. Al osydan birer apta buryn Ýkraına jarysty toptyq kezeńde aıaqtaýdyń sál-aq aldynda turǵan. Toptyq oıyndarda súreńsiz oıyn kórsetip, ózdiginen kelesi aınalymǵa shyǵa almaı qalǵan Andreı Shevchenko shákirtteri Ispanııanyń iri jeńisiniń arqasynda qosymsha joldamamen 1/8 fınalǵa shyǵyp edi.
Kezdesýdi shvedter tamasha bastap, dopty biraz ýaqyt óz baqylaýynda ustady. Biraq esepti birinshi bolyp Ýkraına quramasy ashty. Oıynnyń 27-mınýtynda «Manchester Sıtı» men Ýkraına quramasynyń qorǵaýshysy Aleksandr Zınchenko Eýrodaǵy óziniń alǵashqy golyn soǵyp, jankúıerlerine qýanysh syılady. Arada kóp ýaqyt ótpeı shvesııalyq shabýylshy Emıl Forsberg Georgıı Býshan qorǵaǵan qaqpadan sańylaý taýyp, tarazy basyn teńestirdi. Sóıtip, teń esep oıynnyń 90-mınýtyna deıin ózgerissiz qaldy.
Qosymsha taımda da komandalar bir-biriniń qaqpasyna gol soǵa almaı, jankúıerler de, bapkerler de penaltı serııasyna daıyndalyp jatqan bolatyn. Alaıda 121-mınýtta Aleksandr Zınchenkonyń áýelete asyrǵan pasyn toqtatpastan qaqpaǵa baǵyttaǵan Artıom Dovbıktiń soqqysy qaqpa torynda týlady. Ýkraına – shırek fınalda. Birinshi overtaım aıaqtalar tusta Shvesııa fýtbolshysy Markýs Danıelson oıyn tártibin óreskel buzyp, alańnan qýyldy. Negizi osy bir sát Shvesııa quramasyn sátsizdikke ushyratty deýge bolatyn shyǵar.
Osylaısha Ýkraına quramasy óz tarıhynda tuńǵysh ret shırek fınalǵa shyǵyp otyr. Endi olar 3 shilde kúni Rımde Anglııa quramasymen kezdesedi.
EÝROPA ChEMPIONATYNYŃ 1/8 FINALY NESIMEN ESTE QALDY? BIR SО́ILEMMEN... Álem chempıony men Eýropanyń vıse-chempıony – Fransııa, sońǵy Eýropa chempıony – Portýgalııa jarysty osy kezeńde aıaqtady.
Kılıan Mbappe sheshýshi sátte qatelesip, Shveısarııa qaqpasyna penaltı soǵýdan múlt ketti.
«Ajal» tobyna túsken birde-bir ujym (Germanııa, Fransııa, Portýgalııa) shırek fınalǵa shyǵa almady.
Eýroda avtogol boıynsha rekordty nátıje tirkeldi – 9 avtogol.
Pleı-offtaǵy eń birinshi iri esep Danııa – Ýels oıynynda tirkeldi – 4:0.
Birinshi qosymsha taım Italııa – Aýstrııa kezdesýinde oınaldy.
Eń sátti kún – 14 gol soǵylǵan Ispanııa – Horvatııa (5:3), Fransııa – Shveısarııa (3:3, penaltı – 4:5) oıyndary bolǵan kún boldy.
1/4 FINALDA
kezdesetin quramalar
2 shilde
22:00. Shveısarııa – Ispanııa (Sankt-Peterbýrg)
01:00. Belgııa – Italııa (Mıýnhen)
3 shilde
22:00. Chehııa – Danııa (Baký)
01:00. Ýkraına – Anglııa (Rım)
