Nur-Sultan qalasynyń Sáýlet, qala qurylysy jáne jer qatynastary basqarmasynyń basshysy Nurlan Oranhaevtyń aıtýynsha, elordany kógaldandyrý jumystary «Nur-Sultan – jaıly qala» master-jospary aıasynda júrgizilýde. Landshaftyq oryn qala turǵyndarynyń súıikti ornyna aınaldy. Elorda ákimi Altaı Kólginovtiń tapsyrmasy boıynsha mundaı jasyl aımaqtardy barlyq aýdanda kezeń-kezeńmen uıymdastyrý josparlanyp otyr.
«Astana Opera» aýmaǵyndaǵy abattandyrylatyn jerdiń jalpy aýdany — 3.2 ga, sondaı-aq 2 ga aýmaq kógaldandyryldy. Emen alleıasyna jaıly demalys úshin dóńgelek oryndyqtar da qoıylady. Al aǵashtar shýaqty kúnderi demalýǵa jaǵdaı jasaıdy.
Aıta keteıik, «Nur-Sultan – jaıly qala» master-josparynda elordany jappaı kógaldandyrý qarastyrylǵan.
Emen – uzaq jyldar boıy ómir súretin aǵash, sondyqtan olardy «Astana opera» ǵımaratynyń baǵyna otyrǵyzý týraly sheshim qabyldandy.
Trıatlon parkiniń janynda bıyl jóke aǵashy men sıren butalary otyrǵyzyldy. Osylaısha, elordada sıren men emen baǵy ashyldy.
