Tusaýkeser kezdesýin ol latvııalyq Anastasııa Sevastovaǵa qarsy ótkizdi. Kezinde AQSh-tyń ashyq birinshiliginde jartylaı fınalǵa deıin jetip, álemdik reıtıngte 11-orynǵa deıin kóterilgen Baltyq jaǵalaýynyń ókili qazirgi kezde 56-satyǵa taban tirep tur. Úzdikter tiziminde 99-oryndy ıemdenip otyrǵan Dıastyń Sevastovaǵa áli jetpedi – 4:6, 1:6.
Esesine Iýlııa Pýtınseva bolgarııalyq Svetana Pıronkovanyń tas-talqanyn shyǵardy – 6:3, 6:1.
Erler saıysynda Qazaqstannyń qos tennısshisi – Aleksandr Býblık pen Mıhaıl Kýkýshkın arasyndaǵy aıqas alǵashqysynyń paıdasyna sheshildi – 6:4, 6:2, 6:1.
Al Elena Rybakına amerıkalyq Klera Lıýdi 6:4, 6:4 esebimen eńserip, úshinshi aınalymǵa joldama aldy.
Ekinshi kezeńde Pýtınseva ıspanııalyq Paýla Badosamen kezdesse, Býblık bolgarııalyq Grıgor Dımıtrovpen kúsh synasady. Al Rybakına úshinshi aınalymda grekııalyq Marııa Sakkarı men amerıkalyq Shelbı Rodjers arasyndaǵy básekeniń jeńimpazymen sheberlik baıqasady.
