«Qazaqstan Respýblıkasy Prezıdent Ákimshiliginiń jáne Qaratóbe aýdandyq máslıhat depýtattarynyń kelisimimen, merıtokratııa qaǵıdasyna sáıkes, Qaratóbe aýdanynyń ákimi laýazymyna Súıeýǵalıev Qadyrjan Orynbasaruly taǵaıyndaldy» dep habarlady oblystyq ákimdiktiń baspasóz qyzmeti.
Qadyrjan Súıeýǵalıev 1972 jyly dúnıege kelgen. Batys Qazaqstan aýyl sharýashylyǵy ınstıtýtyn «agronomııa», Eýrazııa akademııasyn «ekonomıka» mamandyqtary boıynsha támamdaǵan.
Jańa ákim ár jyldary Batys Qazaqstan oblysy Qaratóbe aýdany ákimi apparatynyń uıymdastyrý jáne kadrlarmen jumys bóliminiń mamany, I-dárejeli aǵa mamany, bóliminiń meńgerýshisi, Qaratóbe aýdany ákimi apparatynyń qarjy-sharýashylyq bóliminiń bas maman-bólim meńgerýshisi, aýdan ákimi apparatynyń basshysy qyzmetin atqarǵan. Osy aýdandaǵy Qaratóbe jáne Shóptikól aýyldyq okrýgteriniń ákimi bolǵan. 2016 jyldan beri Qaratóbe aýdandyq máslıhatynyń hatshysy.
