Onyń aıtýynsha, Úndistanda COVID-19 juqtyrǵan pasıentterden anyqtalǵan zeń ınfeksııalary ashytqy nemese zeńmen baılanysty bolýy múmkin. Zeń mýkorımoz jáne aspergıllez (ózge tıptegi zeń) sekildi ınfeksııalardy qozdyrýy múmkin.
«Ashytqy men zeń qorshaǵan ortada bar. Biraq olar ımmýndyq júıesi álsiz, dıabet pen ózge de sozylmaly aýrýy barlar, obyr aýrýyna shaldyqqan adamdar men uzaq ýaqyt dári qabyldap júrgenderge juǵady. Árıne, COVID-19 ımmýnıtetti álsiretedi», deıdi DDSU ókilderi.
Výınovıch DDSU «jeńil jáne orta aýrý jaǵdaıynda antıbıotıkter men kortıkosteroıdtardy qoldanýdy barynsha azaıtýǵa» keńes beretinin aıtty. Kortıkosteroıd aýyr jaǵdaıda kómektesedi, biraq shamadan tys qoldaný sańyraýqulaq ınfeksııasyn týdyrýy múmkin.
Výınovıch bıomedısınalyq qurylǵylar, sonyń ishinde jeldetkishti muqııat tazalap, dezınfeksııa jasap turýǵa keńes berdi.
DDSU ókili pasıentte sańyraýqulaq ınfeksııasy anyqtalǵan jaǵdaıda oǵan qarsy preparattarmen emdeý keregin aıtty.
