Jumyssyz mártebesin alǵan 50 myń adamnyń 7 myńyna jumysynan aıyrylý jaǵdaıyna baılanysty Memlekettik áleýmettik saqtandyrý qorynan áleýmettik tólemder taǵaıyndaldy jáne 20 myńnan astam adam turaqty, sondaı-aq memleket sýbsıdııalaıtyn jumys oryndaryna (jastar praktıkasy, qoǵamdyq jumystar, áleýmettik jumys oryndary) jumysqa ornalastyryldy.
2020 jylǵy 17 qarashada jumyssyzdardy tirkeý rásimderin jeńildetý jáne jumyspen qamtýdy qoldaý boıynsha memlekettik kórsetiletin qyzmetterdi alýdy jeńildetý úshin QR Eńbek jáne halyqty áleýmettik qorǵaý mınıstrligi Respýblıkalyq mańyzy bar qalalar men oblys ortalyqtarynyń turǵyndaryna Elektrondyq eńbek bırjasy arqyly HJQO qyzmetterin qashyqtyqtan kórsetý boıynsha pılottyq jobany iske qosty. Osy jyldyń 5 qańtarynan bastap bul múmkindikter respýblıkanyń 40 qalasynyń turǵyndaryna, al mamyrdan bastap barlyq qazaqstandyqtarǵa berilgenin esterińizge sala keteıik.
EEB-tegi «Jeke kabınette» qazaqstandyqtar jumys izdep júrgen adam nemese jumyssyz retinde esepke tura alady jáne tirkeýdiń barlyq kezeńderin qadaǵalaı alady. Jumyssyz mártebesin alǵannan keıin áleýmettik saqtandyrý júıesine qatysýshylar jumysynan aıyrylý boıynsha áleýmettik tólemge onlaın rejımde ótinim jibere alady, barlyq azamattar memleket sýbsıdııalaıtyn jumys oryndaryna – jastar praktıkasyna, áleýmettik jumys oryndaryna, qoǵamdyq jumystarǵa bos jumys oryndaryn óz betinshe tańdaı alady. Joǵaryda kórsetilgen qyzmetterdi onlaın rejımde alý úshin elektrondyq sıfrlyq qoltańbany paıdalana otyryp, EEB-da tirkeýden ótý qajet.
Internet nemese kompıýter bolmaǵan jaǵdaıda, barlyq jumyspen qamtý ortalyqtarynda qurylǵan ózine-ózi qyzmet kórsetý aımaqtarynda EEB arqyly qyzmetterdi alýǵa bolady. HJQO qyzmetkerleri onlaın usynylatyn qyzmetter boıynsha qajetti konsýltasııalar beredi. Bul azamattarǵa Jumyspen qamtý ortalyǵynyń mamanyna qabyldaýǵa kezek kútpeýge jáne COVID-19 pandemııasy jaǵdaıynda fızıkalyq baılanystardy azaıtýǵa múmkindik beredi.
Onlaın qyzmet kórsetý týraly tolyq aqparatty www.enbek.kz saıtynan jáne halyqty jumyspen qamtý ortalyǵynda alýǵa bolady.
Azamattar Elektrondyq eńbek bırjasynda myna silteme boıynsha jumys izdep júrgen adam retinde onlaın tirkele alady.
