«Jolaýshylar jaıly CIP-zalda halyqaralyq nemese ishki reısterge tirkelý, ushyp kelý, ushyp ketýmen baılanysty ózge de biregeı qyzmetter ala alady.
CIP-zal ókili jolaýshylardy ushaq trapynan kútip alyp, arnaıy bólingen kólikpen jaıly CIP-zalǵa ertip aparady. Jolaýshylar tólqujat jáne kedendik baqylaýdan ótip, áýejaı qyzmetkeri júgin ákep bergenge deıin CIP-zalda kútip otyrady», dedi elorda áýejaıynyń baspasóz hatshysy Ánýar Shalekenov.
CIP-jolaýshylary ushaqqa otyrý jáne júgin alý kezinde únemi basymdyqqa ıe bolady. Mundaı qyzmetti jeke jáne zańdy tulǵalar qolma qol aqsha tóleý nemese bank kartasymen esep aıyrysý arqyly alady.
CIP-zaldy paıdalanýǵa nıet tanytqan kez kelgen azamat elorda áýejaıyna ushyp kelgende nemese ushyp keterde aldyn ala tólem jasamaı-aq CIP-zal kassasynda tólem jasaýǵa múmkindigi bar.
