Aı boıy Qazaqstan aýmaǵy boıynsha aýa raıynyń antısıklonaldy túri basym bolady dep boljanady, ystyq jáne jaýyn-shashyn az bolýy kútilýde, tek jekelegen kúnderi sıklondardyń ótýimen qysqa merzimdi naızaǵaımen jazǵy jańbyr kútiledi, jeldiń 15-25 m/s kúsheıýi boljanady.
Respýblıkanyń batysynda shilde aıynyń birinshi onkúndiginde aýa temperatýrasynyń birtindep tómendeýi boljanady, túngi saǵattarda termometr baǵanalary +19+28°S-tan +12+23°S-qa deıin, kúndiz +30+38°S, ońtústik-batysta +41°S-tan +24+32°S-qa deıin tómendeıdi.
Qazaqstannyń soltústik-batysynda, soltústiginde jáne ortalyǵynda aýa temperatýrasy: túnde +15+25°S, kúndiz +33+38°S, keı jerlerde +41°S; elimizdiń ońtústik jartysynda túnde +20+30°S, kúndiz +37+45°S, taýly aýdandarda +30°S, birinshi onkúndiktiń sońynda aýa temperatýrasynyń 10-15°S tómendeýi boljanady.
Ystyq aýa raıy QR shyǵysyna jetedi aýa temperatýrasy túnde +12+20°S-tan +20+28°S-qa deıin, kúndiz +27+35°S-tan +33+41°S-qa deıin joǵarylaıdy, onkúndiktiń sońynda aýa temperatýranyń 7-10°S-qa tómendeýi boljanady. Birinshi onkúndikte qysqamerzimdi naızaǵaımen jazǵy jańbyr, jeldiń kúsheıýi (daýyl, shańdy daýyl) aıdyń basynda elimizdiń batysynda jáne soltústik-batysynda, 5-7 shildede Qazaqstannyń soltústigi men ortalyǵynda, onkúndiktiń aıaǵynda ońtústik jáne shyǵys bólikterinde bolýy múmkin.
Shilde aıynyń ekinshi onkúndiginiń basynda aldymen QR batysy men soltústik-batysynda aýa temperatýrasynyń joǵarylaýy boljanady, sodan keıin onkúndiktiń ortasynan respýblıkanyń barlyq aýmaǵynda temperatýralyq fonnyń joǵarylaýy boljanady. batysta jáne soltústik-batysta: túnde +22+30°S-qa deıin, kúndiz +33+43°S-qa deıin; soltústikte, ortalyqta jáne shyǵysta: túnde +15+23°S-qa deıin, kúndiz +28+39°S-qa deıin; ońtústik jáne ońtústik-shyǵysta: túnde +18+27°S-qa deıin, kúndiz +35+43°S-qa deıin;
Úshinshi onkúndikte elimizdiń ońtústik bóliginde aýa temperatýrasynyń túnde +10+17°S-tan +17+25°S-qa deıin, kúndiz +22+33°S-tan +30+38°S-qa deıin, soltústik jartysynda túnde +5+13°S-tan +13+20°S-qa deıin, kúndiz +18+26°S-tan +26+33°S-qa deıin aýytqýy kútiledi.
