ÝRÝGVAI PREZIDENTINIŃ MUNYSY NESI?
Ýrýgvaı prezıdenti Hose Mýhıka ekonomıka mınıstriniń qyzmetine kirisý saltanatyna jalań aıaǵyna sandal kıip kelgen. El basshysynyń bul áreketi biraz áńgimege arqaý bolǵanǵa uqsaıdy. О́ıtkeni, prezıdenttiń áriptesteri resmı sharaǵa kostıým kıip, galstýk taǵyp, qysqasy, shyttaı kıinip kelse kerek.
ÝRÝGVAI PREZIDENTINIŃ MUNYSY NESI?
Ýrýgvaı prezıdenti Hose Mýhıka ekonomıka mınıstriniń qyzmetine kirisý saltanatyna jalań aıaǵyna sandal kıip kelgen. El basshysynyń bul áreketi biraz áńgimege arqaý bolǵanǵa uqsaıdy. О́ıtkeni, prezıdenttiń áriptesteri resmı sharaǵa kostıým kıip, galstýk taǵyp, qysqasy, shyttaı kıinip kelse kerek.
78 jastaǵy Mýhıka myrzanyń nege bulaı istegenin eshkim bilmeıdi. Suraýǵa da eshkimniń batyly barmaǵany taǵy anyq. Biraq keıbir jýrnalıster muny qazirgi kezde Ýrýgvaıda jáne kórshi elderde 40 gradýs ystyq bolyp turǵanymen túsindirýge tyrysypty. Al soltústik elderde, mınýs 40 bolmaǵanymen, aıtarlyqtaı aıaz, sandal kıip, serýendeı almaısyń.
«SANTA-KLAÝS» ZERGERLIK DÚKENDI ÚPTEP KETTI
Santa-Klaýstyń kıimin kıgen qarýly er adamdar Albanııa men Kosovodaǵy zergerlik buıymdar dúkenin tonap ketken. Alǵashqy urlyq 24 jeltoqsanda Albanııanyń astanasy – Tırana qalasynda jasalsa, ekinshisi 26 jeltoqsan kúni Kosovonyń Prızren eldi mekeninde oryn alypty.
Alǵashqysynda tórt qarýly er adam dúkenshini qorqytyp, qapshyqtaryn áshekeılerge toltyryp alǵan soń tabandaryn jaltyratqan. Ekinshisinde osyndaı qaraqshylyqqa úsh qarýly er adam barypty. Tonaý kezinde eki adam zardap shekken. Eki qylmys arasynda baılanys bar-joǵy beımálim. Týra osyndaı oqıǵa AQSh-tyń Florıda shtatynda da tirkelipti. Santa-Klaýstyń kıimin kıgen bireý bankti tonap ketken.
BÁS TIGISKEN ÁIELDERDIŃ JABAIY ÁREKETI
Oral qalasynyń turǵyny oblys ortalyǵyndaǵy Neke saraıynyń aldyna 1 jeltoqsan kúni otyrǵyzylǵan shyrshany kesip áketken. Qoldaǵy bar derekterge qaraǵanda, esimi aıtylmaıtyn 32 jastaǵy áıel qurbysymen birge ashy sýdan urttańqyrap alǵan soń, solaı isteımin dep bás tigisken ǵoı.
Bástiń mánisi mynada eken: shyrshany kesip, qurbysynyń úıine alyp kelý. Aıtqany oryndalǵan soń, úı ıesi áıel shyrshany oıynshyqtarmen bezendirip úlgeredi. Bástiń sharty, utylǵannyń nendeı jaýap qaıtarǵany belgisiz. Belgilisi – shyrshanyń urlanǵanyn Neke saraıy kúzetshisi bilip qoıypty. Sóıtip, polısııaǵa habarlaǵan. Iz kesýshi ıt shyrsha turǵan úıdi tap basqan. Urlyqshy áıelge aıyp salynsa, alyp qoıylǵan shyrshanyń keıin qaı úıden «pana» tapqany beımálim.
TOǴYZ JASYNDA TOP JARǴAN
AQSh-tyń Kalıfornııa shtatynyń týmasy, toǵyz jasar Taıler Armstrong tarıhta Akonkagýa bıigin baǵyndyrǵan eń balǵyn alpınıst bolyp otyr. Ol atalǵan shyńǵa ákesi Kevınmen jáne gımalaılyq jolbasshy Lhavang Dhondappen birge shyqqan. Alpınıster Akonkagýanyń basyna 25 jeltoqsan – Katolıktik rojdestvo kúni jetken.
Akonkagýa – batys jarty sharyndaǵy eń bıik taý. Standartty erejege sáıkes, 14 jasqa tolmaǵandarǵa oǵan kóterilýge bolmaıdy. Sondyqtan Armstrongke Argentına sotynan arnaıy order alýǵa týra kelgen. Al Akonkagýa taýynyń eń bıik shyńy teńiz deńgeıinen 6962 metr joǵary ári Soltústik jáne Ońtústik Amerıkanyń, sondaı-aq, batys jáne ońtústik jarty shardyń eń bıik núktesi sanalady.
AQShAQARMEN BIRGE APATQA UShYRADY
Polshada ishimdikke toıyp alǵan Santa-Klaýs pen onyń Aqshaqar rólindegi kómekshisi at jekken shanamen kele jatyp, apatqa ushyrady. Oqıǵa saldarynan zardap shekken de sol ekeýi. Kýágerlerdiń sózderine qaraǵanda, 51 jastaǵy er adam men onyń 31 jastaǵy kómekshisi ózderin quddy bir túngi klýbtan shyqqan adamdar sekildi ustaǵan.
Oqıǵa ornyna polısııa men dárigerler shaqyrylyp, sońǵylary Santa-Klaýs pen Aqshaqar aýrýhanaǵa jetkizilgen. Polısııadaǵylardyń atap ótýinshe, tehnıkalyq jup apatqa kólik quralyn basqaryp kele jatyp túskendikten, olarǵa kólikti mas kúıinde júrgizdi degen aıyp taǵylýy ábden múmkin. Al álgilerdiń oıynyna balalaryn aparmaqshy bolǵan ata-analar úlken renish ústinde kórinedi.
KО́LIGINEN 300 MYŃ DOLLAR TAPQAN TAKSIST
AQSh-tyń Las-Vegas qalasynda 13 jyl jumys ótili bar taksıst kóliginiń artqy oryndyǵynan paketke oralǵan 300 myń dollar taýyp alǵan. Djeraldo Gamboa aqshany jolaýshy jolaqysyn tólep jáne shaı úshin dep taǵy 5 dollar tastap ketkennen keıin baıqapty.
Taksıst te aǵynan jaralǵan adam eken, polısııaǵa dereý habar beredi. Birneshe saǵat ótkende 300 myń dollar oralǵan pakettiń qojaıyny da tabylady. Sóıtse, Jańa jyl qarsańynda Vegasqa kazınoda oınaý úshin kelgen bireý eken. Osylaısha, aqsha zańdy ıesine qaıtaryldy. Biraq ázirshe ol Gamboaǵa eshqandaı syıaqy bermegenge uqsaıdy. Esesine adaldyǵyn eskergen taksopark basshylyǵy alǵys jarııalap, Jańa jyldyń keshki asyn ishý úshin 1 myń dollardyń eki adamǵa arnalǵan sertıfıkatyn tapsyrypty. Árıne, 1 myń dollar 300 myń emes qoı...
EREJE BUZǴANDARǴA – LOTEREIа BILETTERI
Avstralııanyń Melbýrn qalasynda polısııa jol qozǵalysy erejelerin buzǵan júrgizýshilerge sol sátinde oınalatyn lotereıa bıletterin taratty. Mundaı ádetten tys aksııa Katolıktik rojdestvo kúnine oraı ótkizildi. Júrgizýshiler barlyǵy birneshe ondaǵan bıletterge ıe bolǵan.
Quqyq qorǵaý organyndaǵylar atap kórsetkenindeı, lotereılik shara, birinshi kezekte, mereke kúni júrgizýshilerdiń kóńil kúıin kóterý úshin uıymdastyrylypty. Máselen, jyldamdyqty arttyrǵany úshin toqtatylǵan júrgizýshilerdiń kópshiligi polısııa tarapynan jazalanýdyń ornyna lotereıa bıleti usynylǵan kezde ne derlerin bilmeı aýyzdaryna sóz de túspegen. Al bıletterdiń ishinde utysqa ıe bolǵandary bar-joǵy týraly eshteńe aıtylmaıdy.
Aqparat agenttikteri materıaldary negizinde ázirlendi.
