Epıdemııalyq baqylaý matrısasyna sáıkes oblys «jasyl aımaqta» ornalasqan. Dese de Balqash, Eskeldi, Jambyl, Ile, Qarasaı, Qaratal, Sarqan, Kóksý, Talǵar aýdandary men Tekeli qalasynda aýrýdyń ósý qarqyny joǵary bolyp tur.
«Epıdemıologııalyq tekserý barysynda ınfeksııanyń yqtımal oryndary anyqtaldy. Máselen, bir otbasy músheleri arasynda juqtyrý kórsetkishi – 23,1%, bazarlarda – 11,5%, saýda nysandarynda – 15,2%, qoǵamdyq kólikte – 11,5% jáne otbasylyq is-sharalarda – 11,5%, syrttan kelgen jaǵdaılar tirkelmegen», deıdi Almaty oblysy sanıtarlyq-epıdemıologııalyq baqylaý departamentiniń basshysy Erǵalı Sydymanov.
Oblysta Talǵar jáne Qaratal aýdandarynda «Delta» shtamyn juqtyrýdyń 2 jaǵdaıy anyqtalǵan. Aty jaman indetke shaldyǵýshylar – ekpe almaǵan turǵyndar eken.
Aımaqqa jalpy sany 408 475 doza vaksına kelip túsken. Onyń ishinde 39 500-y – Hayat-Vax, 332 975-i – Spýtnık V, 8 myńy – QazVac jáne 28 myńy – CoronaVac. Ekinshi komponent boıynsha 253 350 doza vaksına bar. Onyń ishinde 39 500-i – Hayat-Vax, 177 850-i – Spýtnık V, 8 myńy – QazVac jáne 28 myńy – CoronaVac. Vaksınalardyń birinshi komponentin barlyǵy 346 922 adam, al ekinshisin 208 094 saldyrdy.
Spıker DDU derekteri boıynsha Qazaqstanda qoldanylatyn vaksınalar koronavırýs ınfeksııasynyń úndi, brıtandyq, Ońtústik Afrıka jáne brazılııalyq shtamdaryna qatysty tıimdi ekenin atap ótti.
Ashyq jobasyn engizý bastalǵannan beri monıtorıngtik toptarmen baǵdarlamany paıdalana otyryp, qyzmetin júzege asyratyn 589 obekt qamtyldy. QR-kodty skanerleý kezinde oblys boıynsha «qyzyl» jáne «sary» statýsy bar 110 kelýshi anyqtaldy, onyń ishinde «qyzyl» statýs 41 kelýshide, «sary» statýs 69 kelýshide bolǵan. Aıta keteıik, úı karantınin buzǵany úshin «qyzyl» statýsy bar tulǵalar ÁQBtK-niń 802-baby boıynsha jaýapqa tartylady.
