Bul kúnniń tańdalý sebebi - 1992 jyly 2 shildede Táýelsiz Qazaqstannyń Syrtqy ister mınıstrligi quryldy. Dál osy kúni Prezıdent Nursultan Nazarbaevtyń «QR Syrtqy ister mınıstrligi týraly», «Qazaqstan Respýblıkasynyń elshiligi týraly» jáne «QR Tótenshe jáne О́kiletti elshisiniń negizgi mindetteri men quqyqtary týraly» erejelerdi bekitý týraly Jarlyǵy shyqty. «QR Prezıdentiniń 1998 jylǵy 20 qańtardaǵy «Qazaqstan Respýblıkasyndaǵy kásibı jáne ózge de merekeler týraly» №3827 Jarlyǵyna tolyqtyrýlar engizý týraly» QR Prezıdentiniń 2009 jylǵy 1 shildedegi № 837 Jarlyǵymen kásibı jáne ózge de merekeler tizbesine 2 shilde - Dıplomatııalyq qyzmet kúni dep tolyqtyryldy.
«Dıplomattar sóılegende zeńbirektiń úni shyqpaıdy» degen qanatty sóz bar. Osynyń ózinen-aq óte ejelden kele jatqan dıplomatııa qubylysynyń eń negizgi mindeti eldestirý, bitistirip, beıbittestirý ekenin uǵynamyz.
Syndarly syrtqy saıasattyń arqasynda Qazaqstan egemendik múddeni, qaýipsizdik pen aýmaqtyq tutastyqty qorǵap, memlekettermen ózara tıimdi qarym qatynastarda jáne halyqaralyq arenada elimizdiń saıası, saýda-ekonomıkalyq múddelerin qamtamasyz etip keledi.
Qazaqstan BUU múshe elderimen jan-jaqty dıplomatııalyq baılanysyn jandandyrdy. 186 memleketpen dıplomatııalyq qatynastar ornatylǵan. Shet elderde Qazaqstan Respýblıkasynyń 66 elshiligi, 17 bas konsýldyǵy, 2 dıplomatııalyq mıssııasy, 11 konsýldyǵy, halyqaralyq uıymdar janyndaǵy 5 turaqty ókildigi bar. 1992 jyly Birikken Ulttar Uıymyna múshe bolǵan soń, eń iri álemdik jáne aımaqtyq deńgeıdegi uıymdarǵa múshe atana bastady. Búginde Qazaqstan Eýrazııalyq ekonomıkalyq odaq, Shanhaı yntymaqtastyq uıymy, Islam yntymaqtastyq uıymy, Azııadaǵy ózara is-qımyl jáne senim sharalary keńesi jáne basqa da halyqaralyq uıymdardyń beldi múshesi. 2017-2018 jyldarǵa BUU-nyń Qaýipsizdik keńesine turaqty emes múshe bolyp saılandy. Qazaqstannyń qatysýymen 4163 halyqaralyq kelisimsharttarǵa qol qoıylǵan.
