Resmı ashylý rásimi jyl saıynǵy Astana Finance Days konferensııasy aıasynda ótti. Ashylý saltanatyna Qazaqstan Respýblıkasy Prezıdentiniń keńesshisi Ser Sýma Chakrabartı, QR Strategııalyq josparlaý jáne reformalar agenttiginiń Tóraǵasy, AHQO Basqarýshysy Qaırat Kelimbetov, QR Sıfrlyq damý, ınnovasııalar jáne aeroǵarysh ónerkásibi mınıstri Baǵdat Mýsın, Dúnıejúzilik ekonomıkalyq forýmnyń Prezıdenti Bıorge Brende, Dúnıejúzilik ekonomıkalyq forýmnyń 4О́R Ortalyǵynyń basshysy Djeremı Iýrgens, Túrkııadaǵy 4О́R Affıldengen ortalyǵynyń basshysy Efe Erdjáne jáne Eýrazııalyq Toptyń Korporatıvtik IT Dırektory Erkin Shnazbaev.
Tórtinshi ónerkásiptik revolıýsııa (4О́R) jasandy ıntellekt, robototehnıka, úsh ólshemdi baspa, nanotehnologııa, bıotehnologııa jáne basqalaryn qosa alǵanda, kóptegen salalarda tehnologııalyq serpinge alyp keldi.
Dúnıejúzilik ekonomıkalyq forýmnyń 4О́R Ortalyǵy ozyq ǵylym men tehnologııalarmen baılanysty paıdany arttyrý jáne táýekelderdi azaıtý maqsatynda ıkemdi jáne adamǵa baǵdarlanǵan pılottyq jobalardy ázirleý, iske asyrý jáne jetildirý úshin úkimetterdi, bıznes-uıymdardy, serpindi startaptardy, azamattyq qoǵamdy, ǵylymı ortany jáne halyqaralyq uıymdardy biriktiredi.
Qazaqstan Úkimeti men AHQO Qazaqstannyń ınnovasııalyq damýyna jańa serpin beretin ozyq tehnologııalardy engizý úshin qolaıly orta qurýǵa umtylady. Buǵan Qazaqstanda Tórtinshi ónerkásiptik revolıýsııanyń Affıldengen ortalyǵyn qurý jónindegi bastama dálel.
«4О́R Affıldengen ortalyǵy retteýshilik normatıvterdi damytý jáne ınnovasııalyq jobalardy iske asyrý úshin Ortalyq Azııanyń memlekettik qurylymdaryn, bıznes pen ındýstrııalyq seriktesterdi biriktiredi. Halyqaralyq yntymaqtastyqtyń arqasynda qazaqstandyq bıznes-qoǵamdastyq, sondaı-aq AHQO qatysýshylary Dúnıejúzilik ekonomıkalyq forýmnyń qatysýshylarymen iskerlik áriptestik qarym-qatynas ornatyp, Dúnıejúzilik ekonomıkalyq forýmnyń jahandyq jelisiniń bir bóligi bola alady», dedi «Astana» halyqaralyq qarjy ortalyǵynyń Basqarýshysy Qaırat Kelimbetov.
Qazaqstandaǵy 4О́R ortalyǵy jańa tehnologııalardy engizý úshin zańnamalyq kedergilerdi azaıtý jáne naqty alǵysharttardy jasaý jáne jasandy ıntellekt, Zattar ınterneti, robototehnıka, blokcheın salalaryndaǵy jáne basqa da ózekti baǵyttardaǵy salanyń álemdik kóshbasshylarymen tehnologııalyq salalarda tıimdi yntymaqtastyq qurý maqsatynda ınnovasııalardy retteý tetikterin, saıasatyn, rásimderin jáne qaǵıdattaryn jetildirýge múmkindik beredi.
«Memleket nazar aýdarýy kerek úsh mańyzdy quraýshy bar, sonyń ishinde jetekshi shet elderdiń tájirıbesin qabyldaý jáne ony is júzinde qoldaný. Birinshi kezekte, baılanystyń tıisti ınfraqurylymyn óristetý qajet. «Zattar ınterneti» úshin, óndiriske robottandyrý men jasandy ıntellektti engizý úshin sapaly ınternet, múmkin tipti 5G qajet. Bul baǵytta halyqaralyq tájirıbeni paıdalaný mańyzdy.
Ekinshiden, bizdiń mindetterimizdiń biri – halyqaralyq qoǵamdastyqtyń qoldaýyn alý, otandyq kásipqoılardy daıarlaý jáne qaıta daıarlaý salasyndaǵy halyqaralyq tájirıbeni paıdalaný. Bizdiń mamandar «Indýstrııa 4.0»-ge kóshýge daıyn bolýy kerek jáne daǵdylary men quzyrettilikterin jetildirýi kerek. Úshinshiden, memleket tarapynan: salyq jeńildikteri bolsyn nemese birlesken ınvestısııa bolsyn, ýájdeme men yntalandyrýdyń bolýy mańyzdy. Iаǵnı, kásiporyndarǵa qolaıly sharttar usyný», dedi Sıfrlyq damý, ınnovasııalar jáne aeroǵarysh ónerkásibi mınıstri Baǵdat Mýsın.
«Tórtinshi ónerkásiptik revolıýsııa ortalyǵynyń Jahandyq jelisine qosyla otyryp, Qazaqstan álemge adamdarǵa baǵdarlanǵan, ınklıýzıvti jáne ádil qaǵıdattarmen retteletin jańa tehnologııalardy engizetinin jarııalaýǵa daıyn», dedi Dúnıejúzilik ekonomıkalyq forýmnyń Prezıdenti Bıorge Brende.
