Ekspozısııanyń ashylýy Qazaqstan Respýblıkasy Táýelsizdiginiń 30 jyldyǵyna jáne Ulttyq Dombyra kúnine oraılastyryldy.
Saltanatty sharaǵa Tel Avıv – Iаffo qalalyq keńesiniń músheleri, Ierýsalım Patrıarhy III Teofıl, Syrtqy ister mınıstrliginiń, dıplomatııalyq korpýs, Izraıldiń qoǵamdyq jáne isker toptarynyń, buqaralyq aqparat quraldarynyń ókilderi men qazaqstandyq dıaspora qatysty.
О́z sózinde Qazaqstan Elshisi Satybaldy Burshaqov 2014 jyly kıiz úı men dombyra IýNESKO-nyń Adamzattyń materıaldyq emes mádenı murasynyń kórneki tizimine engizilgenin, sondaı-aq halqymyz úshin kıeli kıiz úıdiń qasıeti men qasterli máni týraly egjeı-tegjeıli aıtyp berdi. Dıplomat halqymyzdyń mádenı murasyn tanystyrý Qazaqstan men Izraıl arasyndaǵy mádenı-gýmanıtarlyq baılanystardy odan ári nyǵaıtýǵa yqpal etetindigin atap ótti.
Tel-Avıv meriniń orynbasary Gal Sharabı 1999 jyly Tel-Avıv pen Almaty arasynda baýyrlastyq baılanys ornatylǵanyna toqtalyp, qalyń buqaraǵa on kún boıy esigi ashyq turatyn kıiz úı ekspozısııasy Tel-Avıv turǵyndary men qonaqtaryna qazaq halqynyń dástúri men mádenıetin tanyp-bilýge múmkindik beretinin aıtty.
Sonymen qatar shara aıasynda qazaqtyń Uly aqyny Abaı Qunanbaıulynyń 175 jyldyǵyna oraı shyǵarylǵan evreı tilindegi «Qara sózderi» kitabynyń tusaýkeseri ótti. S.Burshaqov kitaptyń aýdarmashysy Polına Brýkman men «Beıt Nellı Medıa» baspa úıiniń dırektory Alla Serebrınskaıaǵa Qazaqstan Mádenıet jáne sport mınıstriniń alǵys hattaryn tabystady.
Mereke barysynda Qazaqstannan shyqqan evreı qaýymdastyǵynyń ókilderi ystyq yqylaspen jáne zor rızashylyqpen elimiz týraly jyly estelikterimen bólisti.
Shaǵyn konserttik baǵdarlama qoıylyp, onda Bar Ilan ýnıversıtetiniń stýdenti Ámirlan Najmıtdınov men Bekjan Qońyrbaev tanymal qazaq kompozıtorlarynyń shyǵarmalaryn dombyrada oryndap berdi. Abaıdyń «Kózimniń qarasy» ánin qazaq tilinde shyrqaǵan Izraıl azamaty Irena Arzıýtova erekshe qurmetke bólendi.
Kıiz úı Almaty oblysynda tigilip, «Kazsınk» korporasııasynyń demeýshiligimen Izraılge jetkizildi. Kıiz úı 2 - 10 shilde aralyǵynda Tel-Avıv portynyń saıabaǵynda barshaǵa ashyq bolady.
