Onynshy ret ótetin básekege elimizdiń 14 oblysy men Almaty, Shymkent, Nur-Sultan qalalarynda irikteýden ótken 37 úzdik balýan qatysady, onyń ishinde jobanyń jeńimpazdary – Aıbek Nuǵymarov, Muhıt Tursynov, Elaman Erǵalıev bar.
Týrnırdiń eń aýyr salmaqty balýany Erasyl Qajybaev 153 keli tartsa, Ersultan Muzapparov eń jeńil salmaq kórsetti (90 keli).
Nur-Sultan qalasynyń Dene shynyqtyrý jáne sport basqarmasynyń basshysy balýandar básekesi elorda ákimdiginiń tikeleı qoldaýymen ótip jatqanyn atap ótti.
«Dástúrli «Qazaqstan Barysy» jobasy ózderińiz biletindeı bıyl onynshy ret uıymdastyrylady. Dúbirli dodaǵa elimizdiń ár óńirinen iriktelgen úzdik balýandar qatysqaly otyr. Bizdiń elordamyzdyń namasyn bul básekede Aıbat Seıten men Oljas Shynkeev qorǵaıdy. Balýandarymyzdyń baǵy men baby kelisip jeńis tuǵyrynan kórinedi dep senemiz», dedi basqarma basshysy.
Elordamyzdyń tórinde ótetin báseke karantın talaptaryna saı kórermendersiz uıymdastyrylady.
Týrnırdi Qazaqstan jáne Qazsport telearnalary arqyly tikeleı efırden tamashalaýǵa bolady. Sonymen qatar Reseıdiń «Match! Planeta» jáne «Boks TV», Túrkııanyń «TRT Avaz» telearnasynan tikeleı efırde kórsetiledi.
