«Ystyq kúnderi dalaǵa shyǵardan buryn salqyn sýmen jýynyp alǵan durys», deıdi №10 qalalyq polıklınıka dárigeri Nargız Abdýrraımova.
Dárigerdiń aıtýynsha, aptap ystyqta dalaǵa shyǵý úshin saǵat tańǵy 10.00-ge deıingi nemese keshki 17.00-den keıingi ýaqytty tańdaǵan abzal. Sebebi eń joǵary temperatýra, ádette, saǵat 11.00 – 17.00 aralyǵynda bolady. Al belgili bir sebeppen osy ýaqytta dalaǵa shyǵý qajettiligi týyndasa, ashyq reńkti jeńil matadan tigilgen, keń turatyn kıim kıgen jón. Sondaı-aq dáriger kún astynda 2 saǵattan astam qalmaýǵa keńes beredi. Sebebi kún ótý nemese kúnge kúıý qaýpi bar.
«Kún astynda kóp júrgen adamnyń kózi qaraýytyp, basy aınalýy, júregi aınýy múmkin. Júrek soǵysy jıilep, terisi bop-boz bolyp ketse, kún ótkenniń belgisi. Al kúnge kúıgende teri qyzara bastaıdy. Ondaı kezde kóleńkeli jerge otyryp demalý, ǵımaratqa kirip jata turýy kerek. Kóp sý ishken de paıdaly», dep túsindirdi dáriger.
Aptap ystyqta sý men asa tátti emes jemis shyrynyn ishýge bolady. Shaı ishkińiz kelse, biraz sýyǵanyn kútken jón.
«Mundaı kúnderi qýyrylǵan, ystyq tamaqtan, ishimdikten, qoıý shaı men kofeden, gazdalǵan sýsyndardan bas tarta turǵan durys. Jemis-jıdek, salqyn sorpa, maıly emes et pen balyq jeýge bolady», deıdi N. Abdýrraımova.
Sonymen qatar bólmeni jıi jeldetip, terezelerdi qarańǵylap qoıýǵa keńes berd.
