«Búginde Elbasy N.Nazarbaevtyń bastamasymen, el Prezıdenti Q.Toqaevtyń qoldaýymen sporttyń buqaralyq sıpat alýyna erekshe kóńil bólinip, buqaralyq sportpen shuǵyldanýshylar sany artýda. О́ńirde buqaralyq sportpen shuǵyldanatyn turǵyndar úlesi 31,3 % qurady. Halyqtyń sporttyq nysandarǵa qoljetimdiligin arttyrý maqsatynda «Aýyl - el besigi» baǵdarlamasy aıasynda osy jyly oblys boıynsha Aral aýdanyndaǵy Qamystybas jáne Amanótkel aýyldary, Qazaly aýdanyndaǵy Pirimov aýyly, Qarmaqshy jáne Jalaǵash aýdandar ortalyqtarynda 5 sport kesheniniń qurylysy júrgiziletin bolady. Sonymen birge, «Samuryq» korporatıvtik qorynyń demeýshiligimen Qyzylorda qalasyndaǵy J.Mahambetov aýyldyq okrýginen kópbeıindi sport keshenin salý bastalady», dedi aımaq basshysy.
Sport salasynyń ardageri Iýrıı Kım tennısshilerdi jańa kort ashylýymen quttyqtap, Elbasymen bir tennıs kortynda kezdeskenin eske aldy. Sondaı-aq, tennısten respýblıkalyq týrnırlerdiń jeńimpazy Ýrsýla Rahmet oblys basshylyǵyna aımaqta sport salasyn damytý boıynsha júrgizilip jatqan jumysy úshin alǵysyn bildirdi.
Jańa tennıs kortynyń ǵımaraty jazǵy mezgilde oınaýǵa arnalǵan. Ǵımarattyń eni 45, uzyndyǵy 90 metr. Ǵımaratta 4 tennıs korty ornalasqan jáne basqa da sporttyq oıyn túrleriniń alańy bar. Nysannyń qurylysy 3 jyl buryn bastalyp, bıyl maýsymda aıaqtaldy. Qazirgi tańda «Nursát» tennıs ortalyǵynda 120 sportshy men 3 jattyqtyrýshy jumys jasaıdy.
Saladaǵy jasalǵan jumystardyń nátıjesinde sportshylarymyz joǵary jetistikterge qol jetkizip, el abyroıyn asqaqtatýda. Jyl basynan beri oblys sportshylary el chempıonattary men kýboktarynda 557 medal enshilese, Álem jáne Azııa chempıonattarynda 47 medalǵa qol jetkizdi. Tokıoda ótetin XXXII jazǵy Olımpıada oıyndaryna oblystan bokstan álem chempıonatynyń kúmis júldegeri Qamshybek Qońqabaev, erkin kúresten álem chempıonatynyń kúmis júldegeri Dáýlet Nııazbekov jáne karate-dodan úsh dúrkin álem chempıony Móldir Jańbyrbaı joldama alyp otyr. Sonymen qatar, Qamshybek Qońqabaev Tokıo Olımpıadasynda Qazaqstan quramasynyń týyn ustaý qurmetine ıe boldy.
