Oblystyq densaýlyq saqtaý basqarmasy baspasóz qyzmetiniń málimetine súıensek, koronavırýs ınfeksııasyn juqtyrǵandar Atyraý qalasynda, jeti aýdan men Teńiz kenishinde tirkelip otyr.
«О́tken táýlikte 137 adamnan koronavırýs ınfeksııasy anyqtaldy. Onyń ishinde 92 naýqas – Atyraý qalasynyń turǵyny. Sondaı-aq, Qurmanǵazy aýdanynda 9, Inderde – 8, Jylyoıda – 7, Isataıda – 7, Mahambette – 5, Maqatta – 3, Qyzylqoǵa aýdanynda 2 adamnan vırýs belgisi tabyldy. Al, Teńiz kenishinde 4 jumysshy qaýipti indetke shaldyqty» dep málim etti basqarmanyń baspasóz qyzmetinen.
Osyǵan baılanysty óńirdegi ınfeksııalyq stasıonarlarda jatqan naýqastardyń sany 485 adamǵa jetken. Onyń ishinde modýldik aýrýhanada – 185, №2 oblystyq aýrýhanada – 135, aýdandardaǵy stasıonarlarda – 112, Teńiz ken ornyndaǵy stasıonarda 53 adam emdelip jatyr.
Qazir úı jaǵdaıynda emdelýge 420 adam oqshaýlanǵan.
