Oblystyq tótenshe jaǵdaılar departamentiniń baspasóz qyzmetinien málim etkendeı, órt 2 shildede saǵat 19:30-da bolǵan.
«Oqıǵa ornyna jedel jetken órt sóndirýshiler jeke ıeliktegi turǵyn úıdiń as daıyndaý bólmesinde gaz-aýa qospasynyń jınalýynan órt shyqqanyn anyqtady. О́rt saǵat 20:00-de sóndirildi. Jalyndy sóndirýge Tótenshe jaǵdaılar departamentiniń jeke quramynan 12 qyzetker men úsh tehnıka jumyldyryldy» dep habarlady departamenttiń baspasóz qyzmeti.
О́rt saldarynan oqıǵa ornynda 1972 jyly týǵan áıel kóz jumdy. Al, 2009 jyly týǵan jasóspirim 85% termııalyq kúıikpen oblystyq balalar aýrýhanasyna jetkizilgen. Qazir óte aýyr jaǵdaıda jansaqtaý bóliminde jatyr.
«О́rttiń shyǵý sebebi – gaz jabdyǵyn paıdalaný kezinde qaýipsizdik sharalarynyń buzylýy. Otbasynyń basqa músheleriniń aıtýynsha, ózderi gaz plıtasyn gaz jelisine arnaıy mamandardyń qatysýynsyz jalǵaǵan. Bul – gaz jáne jylytý qurylǵylaryn paıdalaný erejelerin óreskel buzý» dep málim etti baspasóz qyzmetinen.
