Bul Jarlyq Ulttyq mádenıet pen biregeılikti saqtaý men qaıta jańǵyrtý ıdeıasynyń tóńireginde qoǵamdy odan ári toptastyrý maqsatynda jarııalandy. Jyl saıyn atap ótilmek bul merekelik kúnniń ulttyq rýhanııatymyzǵa qosar úlesi salmaqty bolmaq.
Búgin Qazaq eli monýmentiniń aldyndaǵy alań úlken sahnaǵa aınalyp, dombyrashylar bir mezette kúı shertedi. Sharaǵa jas ereksheligine qaramastan nıet bildirgenderdiń barlyǵy qatysa alady. Olar «Saryarqa», «Adaı», «Álqıssa», «Kóńil tolqyny», «Balbyraýyn» jáne «Kóreǵuly» kúılerin jatqa bilýge tıis.
«Bıyl Ulttyq Dombyra kúnine oraılastyrylǵan jappaı konsertte oryndalatyn alty kúı tańdaldy. Árıne, qatysýshylardyń alty kúıdi de bilgeni jón. Degenmen usynylǵan kompozısııalardyń bireýin ǵana biletinder de konsertke úles qosa alady», delingen Nur-Sultan qalasynyń mádenıet jáne sport basqarmasynyń habarlamasynda.
Mereke aıasynda kúmbirlegen kúıden basqa, jınalǵandar nazaryna «Jastar» teatrynyń akterleri tarıhı qoıylym usynady, elordalyq mýzyka mektepteriniń shákirtteri óz ónerin ortaǵa salady, aqyndar aıtysy ótedi. Sýyryp salma óleńge ysylǵan jandar ulttyq aspabymyz - dombyrany jyrǵa qosady.
