Aldaǵy kezeńde EADB ıntegrasııalyq tıimdiligi bar transshekaralyq ınvestısııalyq jobalardy iske asyrýǵa nazar aýdarady. Bes jyldyq kezeńde bank ınvestısııalarynyń jıyntyq kólemi 10,9 mlrd dollardy quraıdy.
EADB-nyń kúsh-jigeri «Eýropa – Batys Qytaı» kólik-sıfrly dálizi, EAEO+ biryńǵaı taýar ótkizý jelisi jáne Ortalyq Azııanyń sý-energetıka kesheni sııaqty iri ınvestısııalyq jobalardy iske asyrýǵa baǵyttalatyn bolady.
Aımaqtyń makroekonomıkalyq sıpattamalaryn eskere otyryp, bankke qatysýshy elderdiń árqaısysy boıynsha jekelegen strategııa ázirleý josparlanýda. Turaqty damý maqsattaryna qol jetkizý maqsatynda EADB Armenııa, Qyrǵyzstan jáne Tájikstandaǵy ınvestısııalardyń jıyntyq mólsherin 500 mln dollarǵa deıin jetkize otyryp, mınorıtarlyq aksıonerler elderindegi jobalaý qyzmetin keńeıtedi.
EADB jumysynyń basym baǵyttarynyń biri EAEO+ biryńǵaı sıfrly keńistigin qalyptastyrý sheńberinde sıfrly quzyretter men ınfraqurylymdy odan ári damytý bolady. Qoıylǵan mindetterdi iske asyrý úshin 2020 jylǵy maýsymda bankte Sıfrly bastamalar qory quryldy, ol qazirgi ýaqytta 20-ǵa jýyq jobany pysyqtaýda. Qordyń alǵashqy iske asyrylǵan jobasy kelýshilerdiń PTR-testileýi týraly derekterdi memleketaralyq deńgeıde verıfıkasııalaýǵa arnalǵan «COVID-19-syz saıahat» mobıldi qosymshasy boldy.
2027 jylǵa qaraı EADB ulttyq jáne halyqaralyq damý ınstıtýttarynyń qatysýymen aımaqta jańa jobalardy qarjylandyrý, qurylymdaý jáne uıymdastyrý boıynsha kóshbasshy bolýǵa nıetti. Bul rette A sanatyndaǵy kredıttik reıtıng alý úshin aksıonerler quramyn keńeıtý jáne bank kapıtalyna qosymsha qarajat tartý josparlanýda.
2020 jyly EADB 18 jańa joba boıynsha 1,336 mlrd dollarlyq kelisimge qol qoıdy. Banktiń aǵymdaǵy ınvestısııalyq portfeli onyń qyzmet etken barlyq jyldaryndaǵy eń joǵarǵy mánge – 4,4 mlrd dollarǵa deıin ulǵaıdy. Bul rette ıntegrasııalyq áseri bar jobalardyń úlesi 64,3% qurady. 2020 jyly taza paıda 32,6 mln dollardy qurady.
Banktiń qarjylyq turaqtylyǵy Moody’s – Baa1, Fitch – BBB+, Standard & Poor’s – VVV, AKRA – A- reıtıng agenttikteriniń joǵary baǵalarymen rastalady. Ulttyq shkala boıynsha reıtıngter: Fitch – AAA (KAZ), AKRA – AAA (RU).
EADB «jasyl ekonomıkany» damytýdy qoldaýǵa erekshe nazar aýdarady – jańǵyrmaly energııa kózderi salasyndaǵy jańa jobalardy qarjylandyrý qamtamasyz etildi, «Astana» Halyqaralyq qarjy ortalyǵy janyndaǵy jasyl qarjy ortalyǵynyń jarǵylyq kapıtalyndaǵy úlesi satyp alyndy, osy salada BUU uıymdarymen birlesip belsendi jumys júrgizilýde.
Qatysýshy elderdiń ulttyq bankterindegi EADB korrespondenttik shottary arqyly ulttyq valıýtalarda transshekaralyq tólemderdi júzege asyrýǵa múmkindik beretin banktiń esep aıyrysý-tólem júıesi tabysty jumys isteýde.
