Klınıng-servıs – bul densaýlyq pen qorshaǵan ortaǵa zııan keltirmeıtin, arnaıy tazalaýǵa arnalǵan jýǵysh quraldar men jabdyqtardyń kómegimen shelektiń kómeginsiz tazalyq júrgizý. Bul júıe keshendi gıgıenalyq tazalyq pen dezınfeksııany qamtamasyz etedi. Zamanaýı jaǵdaılarda bul densaýlyq saqtaý salasynda asa qajet.
«Tazalyq – densaýlyq kepili. Kez kelgen medısınalyq uıym sanıtarııalyq-epıdemıologııalyq tártipti erekshe saqtaıtyn oryn. Árqaısysy tek qana pasıentter úshin ǵana emes, sonymen qatar personal úshin de qaýipsiz, taza orta qamtamasyz etýi tıis.
Osyǵan baılanysty, klınıng qyzmetin qurýdyń maqsaty sanıtarlyq normalar men erejelerdiń talaptaryna sáıkes sapaly tazalyq júrgizý, ásirese COVID-19 koronavırýs ınfeksııasy kezinde klınıkada epıdemııaǵa qarsy jáne sanıtarııalyq-gıgıenalyq is-sharalardyń saqtalýyn qadaǵalaý qajet.
Bıylǵy jyldyń maýsym aıynda kishi personaldyń ishinen 33 adam «Medısınalyq uıymdardaǵy kásibı klınıng: teorııasy men praktıkasy» taqyrybynda tıisti daıyndyqtan ótti. Oqytylǵan qyzmetkerler SVEP Haı-Spıd (Germanııa) júıesin paıdalaný boıynsha nusqaýlyqpen tanystyryldy. Teorııalyq bilimderin bekite otyryp, oqý barysynda mamandar osy júıeni praktıkada qalaı paıdalanýyn úırendi. Bul – tazalaýǵa ketetin ýaqytty qysqartý, jýǵysh zattardy utymdy tutyný esebinen jalpy tazalaý shyǵyndaryn 40%-ǵa deıin únemdeýge múmkindik beretin tazalaýdyń zamanaýı jańa ádisi.
«Bizdiń klınıng qyzmetiniń barlyq mamandary qajetti daǵdy men bilimdi meńgerdi. Olar attestattaý men sertıfıkattaýdan ótken mamandar», dep atap ótti klınıkanyń birinshi basshysy.
Osy salanyń qyzmeti ekonomıkalyq jáne sanıtarııalyq-epıdemıologııalyq maqsatqa saı ekendigin kórsetti.
Aınash ESALY,
«Egemen Qazaqstan»
ALMATY
