Kún saıyn polısııaǵa ondaǵan adam júginedi. Kútpegen jaǵdaılar oryn alyp jatady, operator úshin eń bastysy – jedel kómek kórsetýdi jiti uıymdastyrý. «Birde bir áıel adam qońyraý shalyp, Petropavldaǵy bazarlardyń birindegi qyzmettik úı-jaıda kilttenip qalǵanyn aıtty. Ol jerge patrýldik polısııa batalonynyń qyzmetkerlerin jiberýge týra keldi», - deıdi Baqytjamal. Keıde adamdardyń taǵdyrlary operatorlardyń jedel ári kásibı is-qımyldaryna táýeldi bolyp jatady. Bul quqyqtyq tártip organdarynda aldyńǵy shepte turatyndarǵa negizgi mindet bolyp tabylady.
Jańa astanada Baqytjamal alǵashqy ret jeti jasynda bolǵan. Alǵashqy saparynan esinde eshteńe qalmapty. Alaıda jylda Nur-Sultanǵa barǵan saıyn ásem-astananyń kórkem jerlerimen tanysyp, ózi úshin jańa qyrlaryn ashady. «Barlyǵyn Astana merekesi kúnimen quttyqtaımyn. Astanamyz jıyrma jyldyń ishinde adam tanymastaı bolyp ózger ásem qala. Kópqabatty záýlim úıler, keń kósheler, ásem demalys oryndary, kórkine kóz toımaıtyn arhıtektýralyq ansamblder», dep tańqalysyn jasyrmaıdy jas qyzmetker.
