Dúbirli dodaǵa elimizdiń barlyq óńirinen 150-ge jýyq sáıgúlik qatysty.
Shabandozdar báıgeniń myna túrlerinen baq synady: Alaman báıge – 25 shaqyrym; Qostanaı tuqymdy jylqy báıge – 23 shaqyrym;
Kishi alaman (top) báıge – 16 shaqyrym;
Qunan báıge – 9 shaqyrym;
Ushqyr attar jyrysy – 1400 m, 2400 m.
Báıgeniń saltanatty ashylý rásimine Nur-Sultan qalasynyń ákimi Altaı Kólginov, Mádenıet jáne sport mınıstri Aqtoty Raıymqulova jáne Ulttyq sport qaýymdastyǵynyń prezıdenti, QR Parlament májilisiniń depýtaty Bekbolat Tileýhan qatysyp, shabandozdarǵa sáttilik tiledi.
Báıge jeńimpazdary men júldegerleri aqshalaı syılyqtar jáne dıplomdarmen marapattaldy.
Báıge túrlerinen dástúrli Elbasy kýbogynyń jeńimpazdary men júldegerleri: «Qunan» báıge boıynsha birinshi oryndy Beknur Jorabek jeńip aldy, ekinshi jáne úshinshi oryndardy Jaqsylyq Abylaıhan men Elnur Medetbekov enshiledi. «Kishi alaman» báıgede Jaqsylyq Serikjan 1-oryndy qanjyǵasyna baılasa, Baıqam Asanqulov 2-oryndy, Hakımbek Qojaqov 3-oryndy ıelendi.
«Qostanaı tuqymdy» jylqylardyń báıgesinde Matveı Vatısovtyń tulpary ózgelerden oza shapty.
2-oryndy Halıd Abdyrahmanovtyń, al 3-oryndy Nurıslam Orazdyń sáıgúlikteri jeńip aldy.
«Alaman» báıgede Baıqan Asanqulov birinshi bolyp keldi. Nuraıt Nurbaı ekinshi, Ershat Omarǵalıev úshinshi orynǵa jaıǵasty.
Al tórtinshi oryn Nurly Shyntasqa buıyrdy.
Aıta keteıik, el Táýelsizdiginiń 30 jyldyǵyna arnalǵan báıge túrlerinen dástúrli «Elbasy kýbogy» jarysy sanıtarlyq normalar men talaptardy qatań saqtaı otyryp ótti
