KО́GALDANDYRÝ – KО́PTIŃ ISI

Adam men tabıǵat arasyndaǵy baılanys tirshiliktiń tamyryna qan júgirtedi. Jer-ana býsanǵan qazirgi sátte bul kórinis jańa bir qyrynan tanylýda. Memleket tarapynan da qorshaǵan ortaǵa degen qamqorlyq aıasy keńeıe túsýde. Almaty ob­lys­tyq “Jasyl el” jastar qozǵalysy jan­danyp, óńirdegi eldi mekenderdegi abattandyrý, kógaldandyrý baǵy­tyn­da kóptegen jaqsy isterdiń uıytqysy bolyp keledi. Olardyń bastamasymen Pan­fı­lov aýdany Úlkenaǵash selolyq okr­ý­gine qa­rasty Kıeli aǵash mańaıyn kógal­dan­dyrý, ásem tabıǵatty jas kóshet­ter­men kómkerý baǵytyndaǵy jumys jal­ǵasty. Jıynǵa úlken-kishi qa­ty­syp, tabıǵatqa degen shynaıy kózqaras onyń tazalyǵyn saqtaý, bar­dy qa­dirleý, qurmetteýge óz úlesin qosý maq­satynda oramdy oılar ortaǵa salyndy. Jarkenttik Eńbek Eri Kúlásh Aıt­­janova dıqan retinde ómirlik tá­jirı­be­sinen ortaǵa salynǵan oı-pikir de jas­tardyń kóńilinen myqtap oryn aldy. “Jer-ana  –  asyraýshymyz. Oǵan adal eńbek etip, ter tókkende ǵana onyń qaı­ta­rymy bolady. Jas­tar­dyń búgingi bas­tamasy qýanyshty. “Artyńda mal qal­ǵansha, tal qalsyn” dep beker aıtylmaǵan, dedi ol. Aınalany nurǵa bólegen sáýir aıy kógaldandyrýǵa qolaıly kezeń. Jar­kenttikter de ár kúndi tabıǵat aıasynda ótkizip, eldi mekenderdiń kóriktenýine ózindik úlesterin qosýda. Kúmisjan BAIJAN, Almaty oblysy.