Is-sharanyń maqsaty – bas qalanyń turǵyndary men qonaqtaryn Astana kúnimen quttyqtaý,merekelik kóńil-kúılerin kóterý. Sondaı-aq qala turǵyndarynyń qatań pandemııa jaǵdaıynda bir orynǵa jınalmaýyn qamtamasyz etý úshin konsert Esil ózeni boıynda kemede ótedi. Ártister, óner ujymdary «Astana» teplohodynda óner kórsetedi. Konsert baǵdarlamasy 3 saǵatqa arnalǵan.
«Esil tolqyny» elordalyqtar men qala qonaqtarynyń kóńilinen shyqqan merekelik is-shara boldy. Kórermen Esil ózeniniń oń jáne sol jaǵalaýynan qazaqstandyq ónerpazdardyń ónerin tamashalady.
Konserttik baǵdarlamada qazaq halqynyń mýzykalyq murasy men estrada janrynda ánder shyrqalady. Oǵan Sveta - Qanat Aıtbaevtar, Maıra Ilıasova, Asem Omarova, Araılym Rahym, Parasat Otan, Altynaı Jorabaeva, Asem Omarova, Dos, Dıana Maeva, Marjan Arapbaeva t.b. ónerpazdar qatysady.
Aıta keteıik, is-sharaǵa qatysýshylardyń barlyǵy koronavırýske qarsy vaksına alǵan, densaýlyǵyna baılanysty vaksına almaǵandar PTR-testten ótken.
