Qazaqstan tennıs federasııasynyń habarlaýynsha, jas qazaqstandyq Danıel Tazabekov Ankarada 14 jasqa deıingi ekinshi sanatty «Tennis Europe» jarysynyń jeńimpazy atandy.
Fınalda bizdiń sportshy jarystyń úshinshi raketkasy Álı Sadıdi 6:0, 6:2 esebimen jeńdi.
«Bul men úshin óte mańyzdy. Men mansabymdaǵy alǵashqy jalǵyz tıtýldy jeńip aldym. Buǵan deıin sátsiz aıaqtalǵan eki fınal boldy. Men jarysqa qatysyp, nátıjesinde jeńip alǵanyma óte qýanyshtymyn. Árıne, men úshin bul este qalarlyq oqıǵa», dep qýanyshymen bólisti Tazabekov.
Buǵan deıin qazaqstandyq Zara Dárken Parıjde ótken jasóspirimder arasyndaǵy tennıs týrnırinde jeńiske jetken bolatyn.
