«Olıver Stýon myrza burynǵy Keńes Odaǵynyń quramynda bolǵan Ortalyq Azııa memleketterin osyǵan deıin jan-jaqty zerttegen. Álemge usynýǵa laıyq tulǵa izdegen. Jańa zamannyń jańa kóshbasshysy retinde tańdaýy Qazaqstan Respýblıkasynyń Tuńǵysh Prezıdenti – Elbasy Nursultan Ábishuly Nazarbaevqa túsipti», dedi Qyrymbek Kósherbaev óz sózinde.
Memlekettik hatshy Elbasynyń mundaı týyndyǵa qaı jaǵynan da laıyqty saıası tulǵa ekenin atap ótti.
«Buǵan baılanysty men bir-eki dúnıe aıtaıyn. Bizde Uly dalada, qazaq elinde qalyptasqan bir jaqsy dástúr bar. Ol – «Elińde kimiń bar?» dep suraq qoıý. О́ıtkeni ár eldiń kelbetin onyń tabıǵatynyń landshafty emes, jerasty baılyǵy emes, tulǵalary, qabyrǵaly azamattary qalyptastyrǵan», dedi ol.
Fılm tanystyrylymy barysynda Olıver Stoýn bul joly óziniń fılm prodıýseri, Prezıdentpen suhbattasýshy bolǵanyn, al rejısseri – ýkraınalyq maman Igor Lopatenok ekenin aıtyp ótti. «Men Prezıdentpen suhbat júrgizdim jáne fılmge prodıýser retinde atsalystym», dedi amerıkalyq rejısser.
Igor Lopatenoktyń aıtýynsha, «Qazaq. Altyn adam tarıhy» fılmin túsirýge 19 aı ketken.
«Fılm jumystary 19 aıǵa sozyldy, biz birneshe suhbat sessııalaryn ótkizdik. Osydan keıin búkil el kóleminde ekspedısııa jasaýdy josparladyq. О́kinishke qaraı, ekspedısııa pandemııaǵa baılanysty úzilip qaldy. Biraq bul jaıt bizdi toqtata almady. Infeksııadan qorqý kerek, biraq biz óz mindetimizdi de oryndaýymyz qajet. Meniń oıymsha, biz bul fılmdi múmkindigimizden asyryp túsirdik. Muny óz ómirimdegi eń jaqsy jumystardyń biri dep sanaımyn», dedi fılm rejısseri.
Sonymen qatar Igor Lopatenok Olıver Stoýndy óziniń ustazy dep sanaıtynyn aıtty.
Is-shara barysynda amerıkalyq mamanǵa «Siz qarapaıym amerıkalyqtarǵa Qazaqstandy qalaı sıpattar edińiz?», degen suraq qoıylǵan bolatyn. Ol: «Sizge Qazaqstandy túsiný qıyn bolýy múmkin, biraq ol – álemniń bolashaǵy úshin óte mańyzdy el. Qazaqstanda talantty adamdar kóp. Bul – óte progressıvti el. О́tken ǵasyrdyń 90-jyldarynan bastap, búgingi kúnge deıin Qytaı sııaqty, Qazaqstanda da úlken ózgerister bolyp jatqanyn kórip otyrmyz. Bul – úlken úlgi jáne alyp el», dedi kıno mamany.
Fılmniń rejıcseri Igor Lopatenok kadrǵa kirmeı qalǵan sátter kitap bolyp shyǵatynyn málimdedi. «Fılmge enbegen sátter bar. Sondyqtan biz kitap shyǵaramyz, onyń 700-ge jýyq beti óńdelmegen materıaldardan turady. Jýyq arada osy isti qolǵa alamyz», dedi ol.
Rejısser týyndy búkil álem kórermenderine arnalǵanyn, sol arqyly Qazaqstan men onyń kóshbasshysyn tanytý josparlanǵanyn atap ótti.
«Biz Eýropa men Azııadaǵy, Amerıkadaǵy birneshe festıvalge qatysamyz. Men qazir bárin aldyn ala aıtqym kelmeıdi. Biraq baıqaýlarǵa qatyspaımyz dep sheshtik. О́ıtkeni kadrda Olıver Stoýn men Nursultan Nazarbaev kóringende jetistikke jetý ońaı. Al ondaı baıqaýlarǵa fılm bıýdjetine aqshany áreń taýyp júrgen táýelsiz kınematografıster qatysýy múmkin. Men olardyń eńbegin esh etkim kelmeıdi», dedi Igor Lopatenok.
Odan keıin fılm kórsetilimi boldy. Fılmniń alǵashqy kórsetilimin avtorlarmen birge Aqparat jáne qoǵamdyq damý mınıstri Aıda Balaeva, Mádenıet jáne sport mınıstri Aqtoty Raıymqulova, «Qazaqfılm» aksıonerlik qoǵamynyń prezıdenti Aqan Sataev, Májilis depýtattary jáne mádenıet pen óner maıtalmandary tamashalady.
Aqtoty Raıymqulova: «Osy tamasha fılm úshin Olıver Stoýn, Igor Lopatenok, Igor Kobzev, kompozıtor Karlo myrzalarǵa, búkil túsirilim tobyna, osy jobaǵa atsalysqan árbir adamǵa óz atymnan, Mádenıet jáne sport mınıstrliginiń atynan aıryqsha alǵys aıtqym keledi», dedi. Mınıstrdiń aıtýynsha, bul – Tuńǵysh Prezıdent týraly túsiriletin sońǵy fılm emes.
«Elbasynyń tulǵasy týraly áli talaı fılm túsiriledi, kóptegen kitaptar jazylady dep oılaımyn. Olıver Stoýn myrza aıtqandaı, álem kóshbasshysy – bul bizdiń Nursultan Ábishuly Nazarbaev. Elbasy tulǵasynyń aýqymyn taný arqyly táýelsizdigimizge 30 jyl tolǵanyn maqtan tutamyz», deı kele, ol Elbasynyń táýelsizdik jolyndaǵy eńbegine de toqtaldy.
«Biz óte baqytty halyqpyz, osyndaı ǵajap elde ómir súrip jatyrmyz. Biz – uly tarıhtyń, uly mádenıettiń muragerlerimiz. Elbasy Nursultan Ábishuly Nazarbaev memleket basshysy retinde bizge táýelsizdik ákeldi», dedi Mádenıet jáne sport mınıstri.
«Bizdiń mádenı, rýhanı ómirimizde taǵy bir úlken joba iske asty. Táýelsizdigimizdiń 30 jyldyǵy qarsańynda árqaısymyzdyń tarıhymyz osy bir kishkentaı týyndyda kóz aldymyzdan ótti. Sondyqtan mundaı týyndylar kóp bolýy kerek dep oılaımyn. О́ıtkeni bul – tanymdyq, úlken materıal. Týyndy Elbasymyzdyń táýelsiz Qazaqstannyń ósip-órkendeýindegi, qalyptasyp nyǵaıýyndaǵy rólin asa aıqyn kórsetip ótti. Sondyqtan mundaı týyndylardy tek ishki aýdıtorııaǵa ǵana emes, shetelde nasıhattap, kórsetý óte mańyzdy», dedi Aqparat jáne qoǵamdyq damý mınıstri Aıda Balaeva. Ol táýelsiz Qazaqstannyń taǵdyrsheshti oqıǵalarǵa toly aýqymdy tarıhynan fılm jınaqtap shyǵarý ońaı bolmaǵanyn aıtty.
«Shyǵarmashylyq topqa osy eńbegi úshin alǵys aıtqym keledi. Men munyń óte aýqymdy materıal bolǵanyn, ony jınaqtaý óte qıynǵa túskenin bilemin. О́ıtkeni táýelsizdik jyldaryndaǵy árbir sátti, árbir oqıǵany óz boıynan ótkizip qabyldaǵan Tuńǵysh Prezıdenttiń aýzynan shyqqan árbir málimet mańyzdy, qyzyq boldy dep oılaımyn. Osynsha aýqymdy materıaldyń arasynan tamasha fılm yqshamdap alyp shyǵý – úlken eńbek. Fılm óte sátti shyqqan. Sondyqtan avtorlaryna alǵysymdy jetkize otyryp, ári qaraı da shyǵarmashylyq tabystarǵa jete berýin tileımin!», dedi Aıda Balaeva.
