El indetten aman kezde, apta saıyn Almatynyń kishkentaı kórermenderi ártisterdiń tynymsyz eńbeginiń arqasynda halyq ertegilerimen tanysyp otyrdy.
«Byltyr teatrlardyń karantınge jabylatyny týraly estigennen keıin biz jumysty qaıta formattap, spektaklderdi tikeleı efır men jazbalar arqyly kórsete bastadyq. «Almaty» telearnasy qoldaý kórsetti. Sonyń nátıjesinde onnan astam spektakl túsirildi. Teatr dırektory Talǵat Esenalıevtiń basshylyǵymen jańa onlaın-formatty meńgerdik. Túsirilgen jazbalar arqyly spektaklderdiń beınemuraǵaty paıda boldy», deıdi qýyrshaq teatrynyń kórkemdik jetekshisi Aqjarqyn Sársenbek.
О́ner adamdary teatrdyń shekteý sharalarynan qajyǵany baıqalady. О́ıtkeni kórermender shyǵarmashylyq úderisterdi tirideı kórýi kerek. Onyń ústine, qýyrshaq teatrynyń repertýarynda árbir jas almatylyq kórýi tıis 30-dan asa spektakl bar. Indet kezinde akterler jańa formatta 15 baǵdarlama quryp, ertegi men qýyrshaqtardyń qalaı jasalatynyn tikeleı efırde aıtty. Qazirgi ýaqytta teatr trýppasynyń bir bóligi demalysta, akterlerdiń jartysy jumys isteıdi. Bul rette teatr ujymy kórermenderdiń jınalýyn, jandy emosııalar men qoldaýlardyń bolǵanyn qalaıdy.
«Men vaksınaǵa sanaly túrde keldim. Nur-Sultan qalasynda turatyn ulymnyń qońyraýynan keıin birden ekpe aldym. Balamnyń dosynyń ákesi koronavırýs ınfeksııasynan qaıtys bolǵan eken. Men balalarym men nemerelerimniń alańdaǵanyn qalamaımyn. Sol úshin №7 klınıkaǵa tirkelip, 4 sáýirde vaksınanyń birinshi komponentin aldym. 21 kúnnen keıin ekinshi vaksınany aldym. Janama áserler bolǵan joq, tek ıneksııa orny sál aýyrdy. Resmı aqparatqa sený kerek. Vaksına almas buryn, ol týraly resmı aqparatty oqydym. Halqynyń barlyǵy vaksına alǵan Izraılge qarańyz, AQSh-ta ujymdyq ımmýnıtet 70%-dy quraıdy. Bizge osy elderden úlgi alý kerek», dedi Almaty qýyrshaq teatrynyń kórkemdik jetekshisi.
Vaksınany qýyrshaq teatrynyń qoıýshy rejısseri Qabdyl Erkebulan da qoldaıdy. Ol vaksınanyń birinshi komponentin 19 sáýirde aldy. Keıinirek ekinshi komponentti aldy. Rejısserdiń aıtýynsha, onlaın jumys teatr ómirine tán emes. Qabdyl Erkebulannyń aıtýynsha, teatr jumys isteýi kerek, akterler jumys formasynda bolýy kerek, kórermender ónerdi saǵynyp júr. Dál osy sebepterge baılanysty vaksına qajet.
«Birinshiden, ol otbasynyń qaýipsizdigi, densaýlyǵy úshin ekpe aldy. Ekinshiden, biz, teatr qyzmetkerleri, kún saıyn bir-birimizben baılanysta bolamyz ári bir-birimiz úshin qaýipsiz bolýymyz kerek. Úshinshiden, teatrǵa kórermender keledi, olardyń kópshiligi balalar. Meniń oıymsha, biz óz kórermenderimizdi qorǵaýymyz kerek. Gogol kóshesindegi emhanada ekpe aldym, sebebi bul jumys ornyna jaqyn boldy», dedi ol.
Teatrǵa akterler ózderi shaqyrǵan ekpe toby barǵan, sodan keıin basqa qyzmetkerler vaksına aldy. Vaksınany teatr ártisi Rýslan Ábý 5 sáýirde aldy. Akter óziniń jumysyna qushtar ekenin aıtty. Ol teatr áleminiń qalypty jaǵdaıǵa oralýyn, kórermenderdiń qoıylymǵa alańsyz kelgenin qalaıdy.
«Búginde vaksınaǵa kúmándanatyndar kóp, biraq bul – ózińizdi jáne aınalańyzdaǵylardy qorǵaýdyń jalǵyz tásili. Bizdiń teatrda akterlerdiń 90%-y ekpe aldy. Bul tańdaýda biz bir-birimizdi qoldadyq. Biz aýrýdyń tasymaldaýshysy bolǵymyz kelmeıdi», deıdi Rýslan Ábý.
Uzaq merzimdi shekteý sharalarynan keıin teatr qyzmetkerleriniń basty qorqynyshy – qoıylymdardyń bolmaýy. Biraq trýppanyń kóptegen josparlary bar, al vaksına bul aýrýǵa qarsy turady. Akterler qala turǵyndary óz densaýlyǵy úshin vaksına alady dep senedi.
ALMATY
