AQMOLALYQTAR AQ TILEGIN JOLDAIDY

“Nur Otan” halyqtyq-demo­kra­tııalyq partııasy Aqmola ob­lys­tyq fılıalynyń uıytqy bolýymen Al­ma­ty oblysyndaǵy Qyzylaǵash aýy­ly jáne Shyǵys Qazaqstan obly­syn­daǵy sý tas­qynynan zar­dap shek­ken turǵyn­darǵa materıal­dyq kómek kór­setý sharalary odan ári jalǵasyn tabýda. Fılıal tóraǵasynyń orynba­sa­ry Dýlat Jurymbaevtyń bizge ber­gen málimetinde qyzylaǵashtyq baýyr­larǵa bir vagon kıim-keshek pen azyq-túlik jóneltilgeni aıty­lady. Sondaı-aq, jańa aýyl qury­ly­syna materıaldar men tehnıkalar jó­nel­tilgen. Onyń ishinde Býrabaı­daǵy zaýyttan quny 1 mıllıon teńgelik 20 bý qazandyǵynyń jet­kizilýi tirshilik sánin túzete túspek. Dýlat Kákimbekuly, sondaı-aq, Shyǵys Qazaqstan oblysyna azyq-túlik, jyly kıim, tósek-oryn tıel­gen alǵashqy vagonnyń jolǵa shyq­qanyn habarlady. Bul taýar­lardy jı­naýǵa ózgelermen birge Býrabaı aý­danyndaǵy “Bogvı” jáne “SP Agroservıs” jaýapkershiligi shek­teýli seriktestikteri, jańadan quryl­ǵan “Arlan” hokkeı klýby súbeli úles qos­ty. Igilikti isten eshkim de shet qal­­maýda. Máselen, Kókshetaý qala­sy­nyń 82 jastaǵy turǵyny Nadejda Bo­rısova óz qolymen toqyǵan jyly kıimderdi, azyn-aýlaq azyq-túligi men jemis qaınatpalaryn alyp kel­gen­degi tolǵanysty sózben jetkizý qıyn. Baqbergen AMALBEK,  Aqmola oblysy.