2021 jyldyń 3 shildesinde ótkizilgen tekseris qorytyndysynda kemelerdi paıdalaný erejelerin óreskel buzǵany anyqtaldy. Atap aıtqanda, keme qujattary, olardyń komandalyq quramyn attestattaýdan ótkizý týraly jáne kemeniń adamdardy tasymaldaýǵa daıyndyǵy týraly sanıtarlyq-epıdemıologııalyq qorytyndysy joq.
Kemelerdiń komandalyq quramyn attestattaý - kemeni basqarý, jolaýshylardyń qaýipsizdigin qamtamasyz etý, kemeni tehnıkalyq jaramdy jaǵdaıda ustaý jáne qorshaǵan ortany qorǵaý sharalary úshin qajetti bilim deńgeıin rastaıtyn rásim.
Anyqtalǵan zańbuzýshylyqtar joıylǵanǵa deıin bul kemelerdi paıdalanýǵa tyıym salyndy.
Kemelerdiń ıesi – «JasNur» ShQ MKQK jáne «Esil-Astana» keme qatynasy kompanııasy» JShS-niń 5 laýazymdy tulǵasy ákimshilik jaýapkershilikke tartyldy jáne zańnamaǵa sáıkes 5 AEK aıyppul salyndy.
О́tken navıgasııada ınspektorlar mashına bólimshesinen otynnyń aǵýy, keme qujattarynyń durys júrgizilmeýi, keı qujattardyń joqtyǵy, sondaı-aq róldi basqarý ornyn aınalmaly sholýmen qamtamasyz etpegeni úshin 11 ózen kemesin (onyń ishinde Astana 0731 RS jáne Esil 0762) paıdalanýǵa tyıym saldy.
QR IIDM Kólik komıteti paıdalanýdyń belgilengen talaptardyń múltiksiz oryndalýyn talap etedi jáne sý kóligindegi qaýipsizdik qaǵıdalary buzylǵanyn kórgen azamattardan Kólik komıtetiniń Ahýaldyq ortalyǵynyń táýlik boıy jumys isteıtin 8(7172)98-35-35 nómirli senim telefonyna habarlaýdy suraıdy. Foto jáne beıne materıaldardy 8-708-088-08-00 nómirimen what'sapp-qa jiberýge bolady.
