Respýblıkanyń basym bóliginde ońtústik sıklonnyń áserinen qubylmaly aýa raıy saqtalady. Naızaǵaı jarqyldap, jańbyr kútiledi, batysta, soltústikte, soltústik-batysta jáne ortalyǵynda – qatty jańbyr jaýady.
Elimizdiń tek soltústiginde ǵana jaýyn-shashynsyz aýa raıy kútiledi. Respýblıkanyń keı jerlerinde daýyl, burshaq, jeldiń kúsheıýi kútiledi, ońtústikte jáne batysta jel, shańdy daýyl kúsheıedi.
Qyzylorda, Jambyl, tańerteń jáne kúndiz Túrkistan oblystarynyń keı jerlerinde jel shańdy daýylmen birge 15-28 m/s kúsheıedi, túnde jáne tańerteń Qyzylorda oblysynyń keı jerlerinde daýyl kútiledi. Aqmola oblysynyń basym bóliginde jel 15-25 m/s kúsheıedi, keı jerlerinde burshaq, daýyl kútiledi.
Almaty, Qostanaı oblystarynyń keı jerlerinde burshaq jaýady, jeldiń kúsheıýi 15-28 m/s jetedi.
Mańǵystaý, Batys Qazaqstan, Aqtóbe, túnde Atyraý, kúndiz Soltústik Qazaqstan oblystarynyń keı jerlerinde jel 15-20 m/s kúsheıedi, kúndiz Mańǵystaý oblysynyń keı jerlerinde shańdy daýyl, túnde jáne tańerteń Aqtóbe oblysynyń keı jerlerinde tuman kútiledi.
Pavlodar, Qaraǵandy, Shyǵys Qazaqstan oblystarynyń keı jerlerinde burshaq, daýyl kútiledi, jel 15-25 m/s kúsheıedi.
Kúndiz Almaty, Atyraý, Batys Qazaqstan oblystarynda, Jambyl oblysynyń ońtústiginde qatty ystyq kútiledi.
Qyzylorda, Túrkistan, Mańǵystaý, Atyraý, Jambyl oblystarynyń basym bóliginde, Aqtóbe, Qostanaı, Qaraǵandy, Batys Qazaqstan, Aqmola, Almaty oblystarynyń keı jerlerinde óte joǵary órt qaýpi saqtalady.
