Vedomstvonyń málimetinshe, respýblıkanyń basym bóliginde ońtústik sıklonnyń áserinen qubylmaly aýa raıy saqtalady.
Naızaǵaı jarqyldaıdy, el óńiriniń ortalyq, soltústik-batys jáne shyǵysynda qatty jańbyr jaýady. Tek ońtústik-batysta jáne ońtústikte kún ashyq bolady. Respýblıka boıynsha keı jerlerde daýyl turyp, burshaq jaýady, jeldiń kúsheıýi yqtımal, ońtústik jáne ońtústik batysta shańdy daýyl turady.
Shyǵys Qazaqstan, Qaraǵandy oblystarynyń keı jerlerinde daýyl, burshaq kútiledi, jeldiń kúshi 15-20, ekpini 25 m/s.
Almaty, Jambyl oblystarynyń keı jerlerinde jeldiń jyldamdyǵy 15-20 m/s jetedi, ekpini 23-28 m/s.
Jambyl oblysynyń keı jerlerinde – shańdy daýyl, Almaty oblysynda burshaq jaýýy yqtımal.
Túrkistan oblysynyń keı jerlerinde jel 15-20 m/s, shańdy daýyl soǵady.
Pavlodar oblysynyń keı jerlerinde burshaq, jel 15-20 m/s kúsheıedi, túnde jáne tańerteń tuman túsýi yqtımal.
Qostanaı oblysynyń keı jerlerinde burshaq , jeldiń kúshi 15-20 m/s.
Batys Qazaqstan oblysynyń keı jerlerinde jeldiń jyldamdyǵy 15-20 m/s jetedi, kúndiz daýyl, burshaq kútiledi.
Kúndiz Aqmola, Qyzylorda, Atyraý, Aqtóbe, Soltústik Qazaqstan oblystarynyń keı jerlerinde jel 15-20 m/s kúsheıedi,
Qyzylorda oblysynda shańdy daýyl turady.
Kúndiz Atyraý oblysynda aptap ystyq saqtalady.
Qyzylorda, Túrkistan, Mańǵystaý, Atyraý, Jambyl oblystarynyń basym bóliginde, Aqtóbe, Qostanaı, Qaraǵandy, Batys Qazaqstan, Aqmola, Almaty oblystarynyń keı jerlerinde óte joǵary órt qaýpi bar.
